Enable Javscript for better performance
தேனி மாவட்டத்தில் மணல் திருட்டை தடுக்க அதிகாரிகள் தயக்கம்: விவசாயிகள் குற்றச்சாட்டு- Dinamani

சுடச்சுட

    

    தேனி மாவட்டத்தில் மணல் திருட்டை தடுக்க அதிகாரிகள் தயக்கம்: விவசாயிகள் குற்றச்சாட்டு

    By DIN  |   Published on : 24th March 2018 12:51 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    தேனி மாவட்டத்தில்மணல் திருட்டை தடுப்பதற்கு நடவடிக்கை எடுக்க அதிகாரிகள் தயக்கம் காட்டி வருவதாக குறைதீர் கூட்டத்தில் விவசாயிகள் குற்றம் சாட்டினர்.
    தேனி மாவட்ட ஆட்சியர் அலுவலகத்தில் வெள்ளிக்கிழமை விவசாயிகள் குறைதீர் கூட்டம் நடைபெற்றது. கூட்டத்துக்கு, ஆட்சியரின் நேர்முக உதவியாளர் (வேளாண்மை) சந்திரசேகரன் தலைமை வகித்தார். மாவட்ட தோட்டக்கலை துணை இயக்குநர் கிஷோர் குமார் முன்னிலை வகித்தார். இக்கூட்டத்தில் கலந்து கொண்ட விவசாயிகள் கூறியதாவது:
    மாவட்டத்தில் பல்வேறு பகுதிகளில் பரவலாக பட்டா நிலங்கள், புறம்போக்கு நிலங்கள், ஓடைகள் மற்றும் ஆற்றுப் படுகைகளில் இருந்து மணல் திருடப்பட்டு, லாரிகள் மூலம் கடத்திச் செல்லப்படுகிறது. புவியியல் மற்றும் சுரங்கத் துறை சார்பில் நிலச் சீர்திருத்தப் பணி மற்றும் காளவாசல் பயன்பாட்டுக்கு மண் அள்ளுவதற்கு வழங்கப்படும் அனுமதியை தவறாக பயன்படுத்தி மணல் திருட்டு நடைபெறுகிறது.
    இதுகுறித்து மாவட்ட புவியியல் மற்றும் சுரங்கத் துறை அதிகாரிகள் மற்றும் காவல் துறைக்கு தகவல் தெரிவித்தும் மணல் திருட்டை தடுப்பதற்கும், மணல் திருட்டில் ஈடுபடுவோர் மீது நடவடிக்கை எடுக்கவும் தயக்கம் காட்டி வருகின்றனர். மாறாக, கட்டுமானப் பணிக்கு அனுமதி பெற்று லாரியில் கொண்டு வரப்படும் மணலை, டிராக்டர்கள் மூலம் பிரித்து எடுத்துச் செல்லும்போது பறிமுதல் செய்கின்றனர்.
    தேனி, சின்னமனூர், கம்பம் ஆகிய இடங்களில் வேளாண்மை வணிகத் துறை சார்பில் வேளாண் விளை பொருள் விற்பனை முனையம் அமைக்கும் திட்டத்தை விரைவில் செயல்படுத்த வேண்டும். சின்னமனூர், செங்குளம் கண்மாய்க்கு தண்ணீர் வரத்து உள்ள சின்ன வாய்க்காலில் விவசாய ஆக்கிரமிப்புகளை அகற்றி தூர்வார வேண்டும். பயிர் காப்பீட்டுத் திட்டத்தின் கீழ் கடந்த 2016-17-ம் ஆண்டுக்கு பாதிக்கப்பட்ட விவசாயிகளுக்கு இழப்பீடு வழங்கவில்லை. உத்தமபாளையம் வட்டாரத்தைச் சேர்ந்த நெல், தென்னை விவசாயிகள் சிலருக்கு மட்டும் இழப்பீட்டுத் தொகை வழங்கப்பட்டுள்ளது. மாவட்டத்தில் ஒரு லட்சத்துக்கும் மேற்பட்ட தென்னை மரங்கள் வறட்சியால் முற்றிலும் பட்டுப் போயுள்ளன. இவற்றை கணக்கெடுத்து உரிய வறட்சி நிவாரணம் மற்றும் காப்பீட்டுத் திட்டத்தில் சேர்ந்துள்ள விவசாயிகளுக்கு இழப்பீடு வழங்க வேண்டும் என்றனர்.
    இதற்கு பதிலளித்து பேசிய மாவட்ட புவியியல் மற்றும் சுரங்கத் துறை உதவி இயக்குநர் சாம்பசிவம், மாவட்டத்தில் மணல் அள்ளுவதற்கு யாருக்கும் அனுமதி வழங்கவில்லை. மணல் திருட்டில் ஈடுபடுவோர் மீது நடவடிக்கை எடுக்கப்பட்டு வருகிறது என்றார்.
    தமிழ்நாடு விசாயிகள் சங்க மாவட்டச் செயலர் டி.கண்ணன் கூறுகையில், பெரியகுளம், தேவதானப்பட்டி, தெப்பம்பட்டி, வண்டியூர், பாலக்கோம்பை, போடி, தேவாரம், பொட்டிப்புரம், கோம்பை, ஓடைப்பட்டி உள்ளிட்ட பல்வேறு பகுதிகளிலும் தினமும் 100-க்கும் மேற்பட்ட லாரிகள் மூலம் மணல் திருட்டு நடைபெற்று வருகிறது. அதிகாரிகள் அனுமதி வழங்கினால், மணல் லாரிகளை சிறைபிடித்து ஒப்படைக்த விவசாயிகள் தயாராக உள்ளனர் என்றார்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai