சுடச்சுட

    

    கம்பத்தில் மேற்கு வங்க ஆயுதப்படை போலீஸார் கொடி அணிவகுப்பு

    By DIN  |   Published on : 17th April 2019 06:15 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    மக்களவைத் தேர்தல் பாதுகாப்புப் பணிக்காக, தேனி மாவட்டம் கம்பத்துக்கு வந்துள்ள மேற்கு வங்க மாநில ஆயுதப் படை போலீஸார் செவ்வாய்க்கிழமை கொடி அணிவகுப்பு நடத்தினர். 
    மக்களவைத் தேர்தலில் பொதுமக்கள் அச்சமின்றி வாக்களிக்கும் வகையில், தேனி மாவட்டக் காவல் துறை கூடுதல் கண்காணிப்பாளர் சுருளிராஜா தலைமையில், மேற்கு வங்க மாநில ஆயுதப் படைப் பிரிவின் 180 காவலர்கள் ஆயுதம் ஏந்தி கம்பம் வடக்கு காவல் நிலையத்திலிருந்து அரசு மருத்துவமனை வரை கொடி அணிவகுப்பு நடத்தினர். 
    மேற்கு வங்க ஆயுதப்படை போலீஸார், ஆய்வாளர்கள் எம். முகர்ஜி, பிரதீப் பானர்ஜி ஆகியோர் தலைமையில், கம்பம் நாடார் மீட்டிங் ஹால் மற்றும் க.புதுப்பட்டி பேரூராட்சி மண்டபம் ஆகிய இடங்களில் தங்க வைக்கப்பட்டுள்ளனர். இவர்களில் 2 ஆய்வாளர்கள், 17 சார்பு-ஆய்வாளர்கள், 3 சிறப்பு சார்பு-ஆய்வாளர்கள், 144 காவலர்கள், 14 உதவியாளர்கள் என மொத்தம் 180 பேர் உள்ளனர்.
    கொடி அணிவகுப்புக்கான ஏற்பாடுகளை, உத்தமபாளையம் காவல் துணைக் கண்காணிப்பாளர் அ. வீரபாண்டி, ஆய்வாளர்கள் பொன்னிவளவன், சுப்புலட்சுமி ஆகியோர் செய்திருந்தனர்.
     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai