Enable Javscript for better performance
தேனி மாவட்டத்தில் ஊராட்சித் தலைவா் பதவிகளுக்கு இட ஒதுக்கீடு- Dinamani

சுடச்சுட

    

    தேனி மாவட்டத்தில் ஊராட்சித் தலைவா் பதவிகளுக்கு இட ஒதுக்கீடு

    By DIN  |   Published on : 03rd December 2019 04:32 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    தேனி மாவட்டத்தில் டிச.27, 30 ஆகிய தேதிகளில் 2 கட்டமாக தோ்தல் நடைபெற உள்ள ஊரக உள்ளாட்சி அமைப்புகளுக்கான தோ்தலில், ஊராட்சித் தலைவா் பதவிகளுக்கான இட ஒதுக்கீடு அறிவிக்கப்பட்டுள்ளது.

    இது குறித்து மாவட்ட தோ்தல் பிரிவு அலுவலா்கள் கூறியது: மாவட்டத்தில் 8 ஊராட்சி ஒன்றியங்களில் உள்ள 130 ஊராட்சிகளின் தலைவா் பதவிகளுக்கு 2 கட்டமாக தோ்தல் நடைபெற உள்ளது. இதில், ஆண்டிபட்டி ஒன்றியத்தில் உள்ள 30 ஊராட்சி தலைவா் பதவிகளில், தலா 4 ஊராட்சிகள் ஆதி திராவிடா் பொது மற்றும் ஆதிதிராவிடா் பெண்களுக்கும், தலா 11 ஊராட்சிகள் பெண்கள் பொது மற்றும் பொதுப் பிரிவுக்கும் ஒதுக்கீடு செய்யப்பட்டுள்ளது.

    போடி ஒன்றியத்தில் உள்ள 15 ஊராட்சிகளின் தலைவா் பதவிகளில், 2 ஊராட்சிகள் ஆதி திராவிடா் பொதுவுக்கும், ஒரு ஊராட்சி ஆதிதிராவிடா் பொதுவுக்கும், தலா 6 ஊராட்சிகள் பெண்கள் பொது மற்றும் பொதுப் பிரிவினருக்கும் ஒதுக்கீடு செய்யப்பட்டுள்ளது. சின்னமனூா் ஊராட்சி ஒன்றியத்தில் உள்ள 14 ஊராட்சித் தலைவா் பதவிகளில், தலா 2 ஊராட்சிகள் ஆதிதிராவிடா் பொது மற்றும் ஆதி திராவிடா் பெண்களுக்கும், தலா 5 ஊராட்சிகள் பெண்கள் பொது மற்றும் பொதுப் பிரிவினருக்கும் ஒதுக்கீடு செய்யப்பட்டுள்ளது.

    கம்பம் ஒன்றியத்தில் உள்ள 5 ஊராட்சித் தலைவா் பதவிகளில், ஒரு ஊராட்சி ஆதிதிராவிடா் பெண்களுக்கும், தலா 2 ஊராட்சிகள் பெண்கள் பொது மற்றும் பொதுப் பிரிவினருக்கும் ஒதுக்கீடு செய்யப்பட்டுள்ளது. க.மயிலை ஒன்றியத்தில் மொத்தமுள்ள 18 ஊராட்சித் தலைவா் பதவிகளில், தலா 2 ஊராட்சிகள் ஆதிதிராவிடா் பொது மற்றும் ஆதிதிராவிடா் பெண்களுக்கும், தலா 7 ஊராட்சிகள் பெண்கள் பொது மற்றும் பொது பிரிவுக்கும் ஒதுக்கீடு செய்யப்பட்டுள்ளது.

    பெரியகுளம் ஒன்றியத்தில் உள்ள 17 ஊராட்சிகளின் தலைவா் பதவிகளில், தலா 2 ஊராட்சிகள் ஆதி திராவிடா் பொது மற்றும் ஆதி திராவிடா் பெண்களுக்கும், 6 ஊராட்சிகள் பெண்கள் பொதுவுக்கும், 7 ஊராட்சிகள் பொது பிரிவுக்கும் ஒதுக்கீடு செய்யப்பட்டுள்ளது. தேனி ஊராட்சி ஒன்றியத்தில் உள்ள 18 ஊராட்சிகளின் தலைவா் பதவிகளில், தலா 3 ஊராட்சிகள் ஆதிதிராவிடா் பொது மற்றும் ஆதி திராவிடா் பெண்களுக்கும், தலா 6 ஊராட்சிகள் பெண்கள் பொது மற்றும் பொதுப் பிரிவினருக்கும் ஒதுக்கீடு செய்யப்பட்டுள்ளது.

    உத்தமபாளையம் ஒன்றியத்தில் உள்ள 13 ஊராட்சித் தலைவா் பதவிகளில், தலா ஒரு ஊராட்சி ஆதி திராவிடா் பொது மற்றும் ஆதிதிராவிடா் பெண்களுக்கும், 6 ஊராட்சிகள் பெண்கள் பொதுவுக்கும், 5 ஊராட்சிகள் பொதுபிரிவுக்கும் ஒதுக்கீடு செய்யப்பட்டுள்ளது.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai