Enable Javscript for better performance
பாசனக் கண்மாய்களில் அனுமதியின்றி மீன் வளர்ப்பு: விவசாயிகள் புகார்- Dinamani

உடனுக்கு உடன் செய்திகள்

    பாசனக் கண்மாய்களில் அனுமதியின்றி மீன் வளர்ப்பு: விவசாயிகள் புகார்

    By DIN  |   Published On : 18th February 2019 07:02 AM  |   Last Updated : 18th February 2019 07:02 AM  |  அ+அ அ-  |  

    தேனி மாவட்டத்தில் பொதுப்பணித் துறை கட்டுப்பாட்டில் உள்ள பாசனக் கண்மாய்களில் மீன்வளத் துறையின் அனுமதியின்றி மீன் வளர்க்கப்படுவதாக, புகார்கள் எழுந்துள்ளன.
           மாவட்டத்தில் உள்ள 31 பாசனக் கண்மாய்களில் மீன் வளர்ப்பதற்கு, மீன்வளத் துறை மூலம் ஏலம் நடத்தி உரிமம் வழங்கப்படுகிறது. இதில், தற்போது 15 கண்மாய்களில் மட்டுமே மீன் வளர்ப்பதற்கு உரிமம் வழங்க ஏலம் நடைபெற்றுள்ளது. பெரியகுளம் பெரிய கண்மாய், தாமரைக்குளம் கண்மாய், லட்சுமிபுரம் கரிசல்குளம் கண்மாய், தேனி மந்தைக்குளம் கண்மாய், மீறுசமுத்திரம் கண்மாய் உள்ளிட்ட 16 கண்மாய்களுக்கு கூடுதல் ஏலத் தொகை நிர்ணயம், நீதிமன்ற வழக்கு ஆகிய காரணங்களுக்காக மீன் வளர்ப்பு உரிமத்துக்கான ஏலம் நடைபெறவில்லை.     இந்நிலையில், மீன்வளத் துறை சார்பில் உரிமம் வழங்கப்படாத கண்மாய்களிலும் அனுமதியின்றி மீன் வளர்ப்பு நடைபெற்று வருவதாக, விவசாயிகள் புகார் தெரிவித்துள்ளனர். மேலும், இந்தக் கண்மாய்களில் மீன் வளர்ப்புக்காக காய்கறி மற்றும் இறைச்சிக் கழிவுகளை கொட்டுவதாகவும், மீன் பிடிப்பதற்காக இரவில் கண்மாய் கரையை சேதப்படுத்தி தண்ணீர் வெளியேற்றப்படுவதாகவும் விவசாயிகள் கூறுகின்றனர்.
          வைகை அணை மீன்வளத் துறையில், மீன் ஆய்வாளர் பணியிடங்கள் காலியாக உள்ளதால், கண்மாய்களில் முறைகேடாக மீன் வளர்ப்பு நடைபெறுவதை ஆய்வு செய்யவும், தடுக்கவும் முடியவில்லை என்று கூறப்படுகிறது.
        பாசனக் கண்மாய்களில் அனுமதியின்றி மீன் வளர்ப்பு நடைபெற்று வருவதால், கண்மாய் நீர் மற்றும் சுற்றுச்சூழல் மாசுபடுத்தப்படுவதுடன், அரசுக்கு வருவாய் இழப்பும் ஏற்படுகிறது. எனவே, பாசனக் கண்மாய்களில் உரிமம் இல்லாமல் மீன் வளர்ப்பு நடைபெறுவதையும், மீன் வளர்ப்புக்காக கண்மாய்களில் கழிவுகளை கொட்டுவதையும், கண்மாய் கரையை உடைத்து தண்ணீரை வெளியேற்றுவதையும் தடுக்க, மாவட்ட நிர்வாகம் நடவடிக்கை எடுக்கவேண்டும் என்று விவசாயிகள் வலியுறுத்தியுள்ளனர்.
     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp