சுடச்சுட

    

    கூட்டுறவு மேலாண்மை பட்டயப் படிப்பு சேர்க்கை விண்ணப்பிக்க காலஅவகாசம் நீட்டிப்பு

    By DIN  |   Published on : 14th July 2019 12:57 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!


    தேனி கூட்டுறவு மேலாண்மை நிலையத்தில் பட்டயப் படிப்பு சேர்க்கைக்கு விண்ணப்பிப்பதற்கான கால அவகாசம், ஜூலை 31-ஆம் தேதி வரை நீட்டிக்கப்பட்டுள்ளது. 
    ஆண்டிபட்டியில் செயல்பட்டு வரும் தேனி கூட்டுறவு மேலாண்மைப் பயிற்சி நிலையத்தில், கணினி மேலாண்மைப் பயிற்சி, நகை மதிப்பீட்டாளர் பயிற்சி ஆகிய பட்டயப் படிப்புகள் நடைபெறுகின்றன. இந்தப் பட்டயப் படிப்புகளில் சேர பிளஸ் 2 தேர்ச்சி பெற்ற 17 வயதுக்கு மேற்பட்ட ஆண் மற்றும் பெண்கள், தேனி கூட்டுறவு மேலாண்மைப் பயிற்சி நிலையத்தில் ஜூலை 15-ஆம் தேதிக்குள் விண்ணப்பிக்கலாம் என்று அறிவிக்கப்பட்டிருந்தது.
    தற்போது, இதில் விண்ணப்பிப்பதற்கான கால அவகாசத்தை ஜூலை 31-ஆம் தேதி வரை நீட்டித்து அரசு உத்தரவிட்டுள்ளது. 
    இதன்படி, கூட்டுறவு மேலாண்மைப் பட்டயப் படிப்புகளில் சேர விரும்புவோர், ஜூன் 31-ஆம் தேதிக்குள் கல்விச் சான்றிதழ் மற்றும் மார்பளவு புகைப்படத்துடன், ஆண்டிபட்டியில் உள்ள தேனி கூட்டுறவு மேலாண்மைப் பயிற்சி நிலையத்தில் விண்ணப்பிக்கலாம்.
    பட்டயப் படிப்பு பயிற்சி வகுப்பு ஆகஸ்ட் 5-ஆம் தேதி தொடங்க உள்ளது என்று, தேனி கூட்டுறவு சங்கங்களின் மண்டல இணைப் பதிவாளர் சிவ. முத்துக்குமாரசாமி தெரிவித்தார்.
     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai