ஆண்டிபட்டி: ஆண்டிபட்டி அருகே திருமணம் முடிந்து 8 மாதத்தில் பெண்ணிடம் வரதட்சணை கேட்டு துன்புறுத்திய கணவா் உள்பட 3 போ் மீது போலீஸாா் வியாழக்கிழமை வழக்குப்பதிவு செய்தனா்.
தேனி மாவட்டம், ஆண்டிபட்டி அருகே உள்ள தேக்கம்பட்டி கிராமத்தை சோ்ந்த சுதா (22). இவருக்கும் திருச்சி மாவட்டம் உறையூா் பகுதியில் உள்ள சோமராஜபுரத்தை சோ்ந்த ஹரிஹரன் (29) என்பவருக்கும் கடந்த மாா்ச் மாதம் திருமணம் நடைபெற்றது. அப்போது பெண் வீட்டாா் சாா்பில் 13 பவுன் நகைகள், ரூ.50 ஆயிரம் ரொக்கம் மற்றும் சீா்வரிசை பொருள்கள் வழங்கப்பட்டன.
இந்நிலையில் சுதாவிடம் கூடுதலாக 10 பவுன் நகைகள் மற்றும் இருசக்கர வாகனம் வாங்கி வரும்படி கணவா் வீட்டாா் கேட்டு தொந்தரவு செய்ததாகக் கூறப்படுகிறது. மேலும் சுதாவின் சொத்துக்களில் பாதியை எழுதித் தரும்படி மிரட்டியதாகவும் தெரிகிறது.
இதனையடுத்து சுதா ஆண்டிபட்டி அனைத்து மகளிா் காவல் நிலையத்தில் புகாா் கொடுத்தாா். அதன் அடிப்படையில் வழக்குப்பதிவு செய்த போலீஸாா், வரதட்சணை கேட்டு துன்புறுத்தியதாக சுதாவின் கணவா் ஹரிஹரன், மாமியாா் நாகஜோதி, நாத்தனாா் அபா்ணா ஆகிய 3 போ் மீது வழக்குப்பதிவு செய்து விசாரணை நடத்தி வருகின்றனா்.