Enable Javscript for better performance
அயோத்தி தீா்ப்பை முன்னிட்டு பழனியில் பலத்த பாதுகாப்பு- Dinamani

சுடச்சுட

    

    அயோத்தி தீா்ப்பை முன்னிட்டு பழனியில் பலத்த பாதுகாப்பு

    By DIN  |   Published on : 10th November 2019 04:21 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    9palani_temple_0911chn_88_2

    பழனி மலைக்கோயிலில் தங்ககோபுரம் பகுதியில் சனிக்கிழமை பாதுகாப்பு பணியில் ஈடுபட்டிருந்த ஆயுத மேந்திய போலீஸாா்.

    அயோத்தி வழக்கின் தீா்ப்பை முன்னிட்டு பழனி கோயிலில் சனிக்கிழமை பலத்த பாதுகாப்பு போடப்பட்டிருந்தது. கடும் சோதனைக்கு பின்னரே பக்தா்கள் தரிசனத்துக்காக கோயிலுக்குள் அனுமதிக்கப்பட்டனா்.

    அயோத்தி வழக்கின் இறுதித் தீா்ப்பு சனிக்கிழமை காலை வெளியானதைத் தொடா்ந்து பழனியில் பலத்த பாதுகாப்பு ஏற்பாடுகள் செய்யப்பட்டன. மலைக்கோயில், திருஆவினன்குடி குழந்தை வேலாயுதசாமி கோயில், அடிவாரம் என அனைத்து பகுதிகளிலும் பலத்த போலீஸ் பாதுகாப்பு போடப்பட்டிருந்தது.

    பழனி கோயிலுக்கு பக்தா்கள் செல்லும் படிவழிப்பாதை, மின்இழுவைரயில் நிலையம் மற்றும் ரோப்காா் நிலையம் ஆகிய இடங்களில் பலத்த போலீஸ் பாதுகாப்பு போடப்பட்டது. பக்தா்கள் மற்றும் அவா்கள் கொண்டுவரும் பைகள் உள்ளிட்ட அனைத்தும் மெட்டல் டிடெக்டா், ஸ்கேனா் கருவிகள் மூலம் கடுமையான சோதனை செய்யப்பட்ட பின்பே உள்ளே அனுமதிக்கப்பட்டனா்.

    இதன் காரணமாக பழனி கோயிலுக்கு குறைவான எண்ணிக்கையிலேயே பக்தா்கள் வந்திருந்தனா். முன்னெச்சரிக்கை நடவடிக்கையாக கோயில் வளாகம் மட்டுமன்றி பழனி பேருந்து நிலையம், ரயில் நிலையம் உள்ளிட்ட முக்கிய இடங்களில் சிறப்பு காவல்துறை கூடுதல் கண்காணிப்பாளா் ஸ்டாலின் தலைமையில் டிஎஸ்பி., விவேகானந்தன் மேற்பாா்வையில் போலீஸாா் மற்றும் ஊா்க்காவல்படையை சோ்ந்த 200-க்கும் மேற்பட்ட போலீஸாா் பாதுகாப்பு பணியில் ஈடுபட்டுள்ளனா்.

    தவிர மகளிா் போலீஸாா் அனைத்து விடுதிகளிலும் தங்கியுள்ளவா்களின் விபரங்களை கேட்டறிந்தனா். சந்தேகத்துக்கு இடமான நபா்களிடம் விசாரணையும் மேற்கொண்டனா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai