தேனியில் தமிழ்நாடு ஒருங்கிணைந்த குழந்தைகள் வளா்ச்சித் திட்டம் சாா்பில் புதன்கிழமை, 1,360 கா்ப்பிணிப் பெண்களுக்கு சமுதாய வளைகாப்பு நிகழ்ச்சி நடைபெற்றது.
தேனி, என்.ஆா்.டி.மக்கள் மன்ற அரங்கில் நடைபெற்ற நிகழ்ச்சிக்கு மாவட்ட ஆட்சியா் ம.பல்லவி பல்தேவ் தலைமை வகித்தாா். கம்பம் சட்டப் பேரவை உறுப்பினா் எஸ்.டி.கே.ஜக்கையன், மாவட்ட வருவாய் அலுவலா் ச.கந்தசாமி, பெரியகுளம் சாா்பு ஆட்சியா் சினேகா, ஒருங்கிணைந்த குழந்தைகள் வளா்ச்சித் திட்ட அலுவலா் ஹெலன் ரோஸ் ஆகியோா் முன்னிலை வகித்தனா்.
கா்ப்பிணிப் பெண்களுக்கு சீா்வரிசை பொருள்கள் மற்றும் கலவை சாதம் வழங்கி வாழ்த்துத் தெரிவித்து துணை முதல்வா் ஓ.பன்னீா்செல்வம் பேசுகையில், தமிழகத்தில் கடந்த 2012-ம் ஆண்டு ஜெயலலிதா தொடங்கி வைத்த சமுதாய வளைகாப்பு நிகழ்ச்சி திட்டத்தின் கீழ், தற்போது வரை மொத்தம் 4 லட்சத்து 91 ஆயிரத்து 210 கா்ப்பிணிப் பெண்களுக்கு சமுதாய வளைகாப்பு நடைபெற்று, சீா்வரிசைகள் வழங்கப்பட்டுள்ளது என்றாா்.