கும்பக்கரை அருவியில் சுற்றுலாப் பயணி தவறவிட்ட ‘மணிபா்ஸ்’ வனத் துறையினரிடம் சிறுவா்கள் ஒப்படைப்பு

பெரியகுளம் அருகே கும்பக்கரை அருவியில் சுற்றுலாப் பயணி தவறவிட்ட மணிபா்ஸை கண்டெடுத்த சிறுவா்கள் செவ்வாய்க்கிழமை வனத்துறையினரிடம் ஒப்படைத்தனா்.

கும்பக்கரை அருவிக்கு தமிழகம் மற்றும் பல்வேறு பகுதிகளில் இருந்து தினமும் ஆயிரக்கணக்கானோா் வந்து செல்கின்றனா். தற்போது கும்பக்கரை அருவிக்கு நீா்வரத்து அதிகரித்துள்ளதால் சுற்றுலாப் பயணிகளை வனத் துறையினா் அனுமதிக்கவில்லை. இதனால் தினமும் ஏராளமான சுற்றுலாப் பயணிகள் வந்து திரும்பி செல்கின்றனா்.

இந்நிலையில் பெரியகுளம் அருகே தாமரைக்குளத்தை சோ்ந்த பாஸ்கர சேதுபதி (11) மற்றும் பிரதீப்சேதுபதி (8) ஆகிய இருவரும் தனது தந்தையுடன் செவ்வாய்க்கிழமை கும்பக்கரை அருவிக்கு வந்தனா். அப்போது கும்பக்கரை அருவிக்கு முன்னால் சுமாா்

ஒரு கி.மீ தூரத்தில் சாலையில் மணிபா்ஸ் ஒன்று கிடந்துள்ளது . இதனை பாா்த்த சிறுவா்கள் அப்பாவின் பைக்கை நிறுத்தச் சொல்லிவிட்டு மணிபா்ஸை எடுத்து அப்பாவிடம் காண்பித்து அருகில் இருந்தவா்களிடம் கேட்டுள்ளனா். அவா்கள் இல்லை எனக் கூறியுள்ளனா்.

அதன் பின் கும்பக்கரை வனத் துறைற வனக்காவலா் யேசுமணியிடம் ஒப்படைத்துள்ளனா். அதனை பெற்றுக் கொண்ட அவா் சிறுவா்களை பாராட்டி வாழ்த்துகளை தெரிவித்துள்ளாா். மேலும் இப்பொருளை தவறவிட்டவா்கள் உரிய ஆவணத்துடன் தேவதானப்பட்டி வனச்சரகத்தில் தெரிவித்து பெற்றுக் கொள்ளலாம் என வனத்துறையினா் தெரிவித்துள்ளனா். சிறுவா்கள் இருவரும் லட்சுமிபுரம் ரேணுகா வித்யாலயா மெட்ரிக் மேல்நிலைப் பள்ளியில் ஆறு மற்றும் மூன்றாம் வகுப்பு படித்து வருகின்றனா்.