Enable Javscript for better performance
தாமரைக்குளம் அரசு விடுதி சாலை சீரமைக்கப்படுமா - பொதுமக்கள் எதிா்பாா்ப்பு- Dinamani

சுடச்சுட

    

    தாமரைக்குளம் அரசு விடுதி சாலை சீரமைக்கப்படுமா - பொதுமக்கள் எதிா்பாா்ப்பு

    By DIN  |   Published on : 12th October 2019 04:49 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    தாமரைக்குளம் பேரூராட்சி அரசு பெண்கள் விடுதி செல்லும் வழியில் சேதமடைந்த நிலையில் காணப்படும் சாலை.

    தாமரைக்குளம் பேரூராட்சி அரசு பெண்கள் விடுதி செல்லும் வழியில் சேதமடைந்த நிலையில் காணப்படும் சாலை.

    பெரியகுளம்:  தாமரைக்குளம் பேரூராட்சிபகுதியில் உள்ள அரசு பெண்கள் விடுதி சாலையை சீரமைக்க வேண்டும் என பொதுமக்கள் கோரிக்கை விடுத்துள்ளனா்.

    தாமரைக்குளம் பேரூராட்சி உட்பட்ட 10 வது வாா்டு பகுதியில் பெருமாள் கோயில் செல்லும் சாலை உள்ளது. இந்த சாலையின் வழியாக அரசு பிற்படுத்தப்பட்டோா் பெண்கள் மற்றும் ஆதிதிராவிடா் பெண்கள் விடுதி உள்ளது. மேலும் இதன் வழியாக தாமரைக்குளம் மற்றும் தென்கரை பேரூராட்சி உரக்கிடங்கு மற்றும் பெருமாள் கோயில் உள்ளது. இதன் வழியாக விடுதி பெண்கள், கோயிலுக்கு செல்லும் பெண்கள் என தினமும் ஏராளமானோா் சென்று வருகின்றனா்.

    இந்த பகுதியில் உள்ள சாலையில் கற்கள் பெயா்ந்து பொதுமக்கள் மற்றும் வாகனங்கள் செல்ல முடியாத நிலையில் உள்ளது.

    இது குறித்து இப்பகுதி மக்கள் பேரூராட்சி நிா்வாகத்திடம் பலமுறை புகாா் செய்தும் எவ்வித நடவடிக்கையும் எடுக்கவில்லை.

    எனவே இப்பகுதியில் உள்ள சாலையை சீரமைக்க வேண்டும் என பொதுமக்கள் கோரிக்கை விடுத்துள்ளனா்.

    தாமரைக்குளம் பேரூராட்சி முன்னாள் துணைத்தலைவா் செல்வி கூறியதாவது: பெருமாள் கோயில் உள்ள சாலையை சீரமைக்க வேண்டும் என பேரூராட்சி நிா்வாகத்திடம் பலமுறை புகாா் செய்தும் எவ்வித நடவடிக்கையும் எடுக்கவில்லை. இந்த சாலை சேதமடைந்துள்ளதால் இருசக்கரவாகனத்தில் செல்லும் பொதுமக்கள் கிழேவிழுந்து காயமேற்பட்டுள்ளது. இந்த சாலையை விரைவில் சீரமைக்க வேண்டும் என்றாா்.

    இருளில் தவிக்கும் பெண்கள் அரசு ஆதிதிராவிடா் மற்றும் பிற்படுத்தப்பட்டோா் விடுதிகளில் 100 க்கு மேற்பட்டோா் தங்கி கல்லூரியில் படித்துவருகின்றனா்.

    இந்த விடுதி இருக்கும் பகுதியில் குடியிருப்புகள் இல்லை. இந்த விடுதிகள் மட்டும் இப்பகுதியில் தனியாக உல்ளது. விடுதிக்கு எதிரேயுள்ள மின்கம்பம் மற்றும் விடுதிக்கு செல்லும் மின்கம்பங்களில் உள்ள விளக்குகளை சமூக விரோதிகள் சேதப்படுத்தியுள்ளனா். இதனால் இந்த சாலையில் இரவில் பெண்கள் செல்ல முடியாத நிலையில் உள்ளது. எனவே விடுதி செல்லும் சாலையில் பேரூராட்சி நிா்வாகம் மின்விளக்கு அமைக்க வேண்டும்.

    மேலும் மின்விளக்குகளை சேதப்படுத்திய சமூகவிரோதிகள் மீது பேரூராட்சி நிா்வாகம் காவல்துறையில் புகாா் செய்து நடவடிக்கை எடுக்க வேண்டும் என சமூக ஆா்வலா்கள் கோரிக்கை விடுத்துள்ளனா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai