போடியில் தாய், 2 மகள்கள் தற்கொலை வழக்கில் தம்பதி உள்பட 4 போ் கைது

போடியில் தாய், 2 மகள்கள் விஷம் குடித்து தற்கொலை செய்து கொண்ட வழக்கில், கணவா், மனைவி உள்ளிட்ட 4 பேரை புதன்கிழமை போலீஸாா் கைது செய்தனா்.

போடி, போஸ் பஜாா் தெருவைச் சோ்ந்தவா் பால்பாண்டி. இவரது மனைவி லட்சுமி (36), மகள்கள் அனுசுயா (18), ஐஸ்வா்யா(16), அக்ஷயா(10). பால்பாண்டி சில ஆண்டுகளுக்கு முன் இறந்து விட்ட நிலையில், லட்சுமி தனது மகள்களுடன் வசித்து வந்தாா். இந்த நிலையில், கடந்த அக்டோபா் 3-

ஆம் தேதி லட்சுமி தனது 3 மகள்களுடன் விஷம் குடித்து தற்கொலைக்கு முயன்றாா். இதில் லட்சுமி, அனுசுயா, ஐஸ்வா்யா ஆகியோா் உயிரிழந்தனா். அக்ஷயா தொடா்ந்து சிகிச்சை பெற்று வருகிறாா்.

இந்த சம்பவம் குறித்து விசாரித்து வந்த போடி காவல் நிலைய போலீஸாா், லட்சுமி மற்றும் அவரது மகள்களை தற்கொலைக்குத் தூண்டியதாக போடி, காந்திநகா் வ.உ.சி.தெருவைச் சோ்ந்த ராஜேந்திரன் மகன் பாண்டியன் (47), அவரது மனைவி தனலட்சுமி(43), சகோதரி அம்பிகா, உறவினா்கள் வெங்கடாச்சலம் மனைவி செல்வம்(32), திருமலாபுரத்தைச் சோ்ந்த ஆறுமுகம் செளந்தரபாண்டியன் மகன் விஜயகுமாா்(39) ஆகியோா் மீது வழக்கு பதிவு செய்தனா். இதில் பாண்டியன், தனலட்சுமி, செல்வம், விஜயகுமாா் ஆகிய 4 பேரையும் கைது செய்தனா். தலைமறைவாக உள்ள அம்பிகாவை தேடி வருகின்றனா்.

பாண்டியனின் மகன் முத்துச்சாமி என்பவரும், லட்சுமியின் மகள் அனுசுயாவும் காதலித்து வந்ததும், இதை அறிந்து பாண்டியன் உள்ளிட்ட 5 பேரும் லட்சுமியின் வீட்டிற்குச் சென்று அவா்களை தரக்குறைவாக பேசி, மிரட்டியதும் விசாரணையில் தெரிய வந்துள்ளது என்று போலீஸாா் கூறினா்.