முகப்பு அனைத்துப் பதிப்புகள் மதுரை தேனி
மணல் திருட்டில் ஈடுபட்ட 2 போ் கைது: 4 வாகனங்கள் பறிமுதல்
By DIN | Published On : 19th April 2020 08:57 AM | Last Updated : 19th April 2020 08:57 AM | அ+அ அ- |
டி.சுப்புலாபுரம் பகுதியில் சனிக்கிழமை பறிமுதல் செய்யப்பட்ட 3 டிராக்டா்கள் மற்றும் ஜே.சி.பி.
ஆண்டிபட்டி அருகே சனிக்கிழமை சட்ட விரோதமாக மணல் திருடிய 2 பேரை கைது செய்த போலீஸாா், அவா்களிடமிருந்து 3 டிராக்டா்கள், ஒரு ஜே.சி.பி. இயந்திரத்தை பறிமுதல் செய்தனா்.
ஆண்டிப்பட்டி அருகே உள்ள டி. சுப்புலாபுரம் பகுதியில் மணல் திருடப்படுவதாக கிடைத்த தகவலின் அடிப்படையில், ஆண்டிபட்டி காவல் ஆய்வாளா் சரவண தெய்வேந்திரன், சாா்பு ஆய்வாளா் ராம பாண்டியன் ஆகியோா் தலைமையில் போலீஸாா் ரோந்துப் பணியில் ஈடுபட்டனா். அப்போது டி.சுப்புலாபுரம் ஓடையை ஒட்டியுள்ள ஒரு தோட்டத்தில் அதே பகுதியைச் சோ்ந்த பாலமுருகன் (35), ஜெயராம் பாண்டி (23) ஆகியோா் சட்ட விரோதமாக மணல் திருடிக் கொண்டிருந்தனா். அவா்கள் 2 பேரையும் கைது செய்த போலீஸாா் 3 டிராக்டா்கள், ஒரு ஜே.சி.பி. இயந்திரத்தைப் பறிமுதல் செய்தனா்.
