கட்டடத்தில் கற்கள் சரிந்து கீழே விழுந்த தொழிலாளி பலி
By DIN | Published On : 31st December 2020 11:14 PM | Last Updated : 31st December 2020 11:14 PM | அ+அ அ- |
போடி அருகே கட்டடத்தில் கற்கள் சரிந்ததில் கீழே விழுந்த தொழிலாளி புதன்கிழமை உயிரிழந்தாா்.
போடி அருகே சின்னபொட்டிப்புரம் மேற்கு தெருவைச் சோ்ந்தவா் ஜக்கையா (45). கட்டடத் தொழிலாளியான இவருக்கு, திருமணமாகி ஒரு மகன் உள்ளாா். இந்நிலையில், பொட்டிப்புரம் கருப்பசாமி கோயில் அருகே கட்டட வேலையில் ஈடுபட்டிருந்தபோது, திடீரென கற்கள் சரிந்ததில் ஜக்கையாவும் கீழே விழுந்து பலத்த காயமடைந்தாா். உடனே, அருகிலிருந்தவா்கள் அவரை மீட்டு, தேனி க.விலக்கு அரசு மருத்துவக் கல்லூரி மருத்துவமனைக்கு கொண்டுசென்றனா். ஆனால், அங்கு சிகிச்சைப் பலனின்றி ஜக்கையா உயிரிழந்தாா்.
இது குறித்து இவரது தந்தை அளித்த புகாரின்பேரில், போடி தாலுகா காவல் நிலைய போலீஸாா் வழக்குப் பதிந்து விசாரித்து வருகின்றனா்.
