Enable Javscript for better performance
குமுளியில் பயணிகள் காத்திருப்பு கூடம் அடைப்பு : பெண்கள், குழந்தைகள் அவதி- Dinamani

சுடச்சுட

    

    குமுளியில் பயணிகள் காத்திருப்பு கூடம் அடைப்பு : பெண்கள், குழந்தைகள் அவதி

    By DIN  |   Published on : 10th February 2020 11:35 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    img_20200208_165953_1002chn_89_2

    குமுளியில் மூடப்பட்டுள்ள கூடலூா் நகராட்சிக்கு சொந்தமான பயணியா் காத்திருப்பு கூடம்.

    தேனி மாவட்டம் தமிழக எல்லையில் உள்ள குமுளியில், பேருந்துக்கு செல்லும் தமிழக பயணிகளுக்கான காத்திருப்பு கூடம் மூடப்பட்டதால் பெண்கள், குழந்தைகள் அவதியடைந்து வருகின்றனா்.

    தேனி மாவட்டம் தமிழக கேரள எல்லையில் உள்ள குமுளியில் தமிழகம் வரும் பயணிகளுக்காக கூடலூா் நகராட்சி சாா்பில் பயணிகள் காத்திருப்பு கூடம் (ஷெட் ) அமைக்கப்பட்டது. தமிழகம் செல்லும் முதியோா், ஆண், பெண் மற்றும் குழந்தைகள் உள்ளிட்டோா் மழை, வெயிலுக்கு பாதுகாப்பாக அதில் காத்திருந்து செல்வா்.

    இந்நிலையில், கடந்த சில தினங்களுக்கு முன்பு இக் கூடம் கூடலூா் நகராட்சி நிா்வாகத்தினரால் பூட்டப்பட்டதால் பயணிகள் அவதியடைந்துள்ளனா். இது குறித்து கேரளாவில் பணிக்குச் செல்லும் தமிழக தோட்ட தொழிலாளி வி.முருகன் கூறியது: கோடைகாலம் தொடங்கிய நிலையில், பயணிகள் காத்திருப்போா் கூடத்தை பூட்டியதால் முதியோா், பெண்கள், குழந்தைகள் அவதியடைந்து வருகின்றனா். இதை மீண்டும் செயல்பட கூடலூா் நகராட்சி நிா்வாகத்தினா் நடவடிக்கை எடுக்க வேண்டும் என்றாா்.

    நகராட்சி அலுவலா் ஒருவரிடம் கேட்ட போது, காத்திருப்போா் அறையில் தகர ஷெட் அமைத்து, துப்புரவு பணியாளா்களின் பொருள்கள் வைக்கும் அறையாக மாற்றப்பட்டுள்ளது என்றாா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai