போடியில் வறுமையால் மாற்றுத் திறனாளி மகனுடன் தாய் தற்கொலை

போடியில் வறுமையின் கொடுமை காரணமாக, திங்கள்கிழமை மாற்றுத்திறனாளி மகனுடன் தாய் தற்கொலை செய்துகொண்டாா்.

போடி சுப்புராஜ் நகா் புது காலனியை சோ்ந்தவா் ரத்தினசாமி. இவரது மனைவி நாகலட்சுமி (60). இவா்களுக்கு, தமிழ்செல்வி, ரெங்கராஜ் (38) மற்றும் அழகர்ராஜா என 3 பிள்ளைகள். தமிழ்செல்விக்கும், அழகர்ராஜாவுக்கும் திருமணமாகி தனியே வசித்து வரும் நிலையில், மாற்றுத் திறனாளியான ரெங்கராஜ் பெற்றோா் பராமரிப்பில் இருந்து வந்தாா்.

இந்நிலையில், சில மாதங்களுக்கு முன் ரத்தினசாமிக்கு உடல் நலக்குறைவு ஏற்பட்டதால், அவரால் வேலைக்குச் செல்ல முடியவில்லை. இத்துடன், கரோனா பொது முடக்கமும் சோ்ந்து கொண்டதால், இவா்கள் வருமானமின்றி தவித்துள்ளனா். தனது மாற்றுத் திறனாளி மகனையும், கணவரையும் காப்பாற்ற மூதாட்டி நாகலட்சுமி தள்ளுவண்டியில் காய்கனி விற்றுள்ளாா். ஆனால், வியாபாரம் இல்லாததால் காய்கனிகள் அழுகி நஷ்டம் ஏற்பட்டுள்ளது. கடன் வாங்கி வியாபாரம் செய்ததால், கடன் அளித்தவா்கள் பணத்தை கேட்டு தொந்தரவு செய்துள்ளனா்.

வறுமையால் மிகுந்த சிரமத்துக்கும், மன உளைச்சலுக்கும் ஆளான நாகலட்சுமி, திங்கள்கிழமை வங்கிக்கு செல்வதாகக் கூறி தனது மகன் ரெங்கராஜுடன் வெளியே சென்றுள்ளாா். இவா்கள் இரவு வரை வீடு திரும்பாததால், அக்கம் பக்கத்தினா் தேடியுள்ளனா். அப்போது, வீட்டின் பின்பக்கமுள்ள காட்டுப் பகுதியில் நாகலட்சுமி, தனது மகனுடன் விஷம் குடித்த நிலையில் இறந்து கிடப்பது தெரியவந்தது.

இது குறித்து போடி நகா் போலீஸாருக்கு தகவல் தெரிவிக்கப்பட்டது. சம்பவ இடத்துக்கு வந்த போலீஸாா், இருவரது சடலங்களையும் மீட்டு, அரசு மருத்துவமனைக்கு அனுப்பி வைத்தனா். மேலும், இது குறித்து போலீஸாா் வழக்குப் பதிவு செய்து விசாரித்து வருகின்றனா். இச்சம்பவம் போடி பகுதியில் சோகத்தை ஏற்படுத்தியுள்ளது.