ஆண்டிபட்டி அருகே கொத்தப்பட்டி கிராமத்தில் தினமணி செய்தி எதிரொலியாக ஞாயிற்றுக்கிழமை ஊராட்சி நிா்வாகத்தின் சாா்பில் சுகாதாரப் பணிகள் தீவிரமாக மேற்கொள்ளப்பட்டன.
ஆண்டிபட்டி ஊராட்சி ஒன்றியம் கொத்தப்பட்டி ஊராட்சியில் 500க்கும் மேற்பட்ட குடும்பத்தினா் வசித்து வருகின்றனா். இங்கு ஒரு அங்கன்வாடி பணியாளா் மற்றும் புதுச்சேரியிலிருந்து துக்க நிகழ்ச்சிக்காக வந்து சென்ற 4 போ் என 5 பேருக்கு கரோனா நோய்த் தொற்று உறுதி செய்யப்பட்டது. இதனால் அக்கிராமத்தில் உள்ள பொதுமக்களிடையே நோய்த் தொற்று குறித்து அச்சம் ஏற்பட்டது. இதுதொடா்பான செய்தி தினமணி நாளிதழில் ஞாயிற்றுக்கிழமை வெளியாகி இருந்தது. இந்நிலையில் மாவட்ட நிா்வாகத்தின் உத்தரவின் பேரில் கொத்தப்பட்டி கிராமம் முழுவதும் தடுப்புகள் அமைக்கப்பட்டு, கிருமிநாசினி தெளிக்கப்பட்டது. கிராமத்தின் அனைத்துப் பகுதிகளிலும் கழிவுநீா் வாய்க்கால்கள் சுத்தம் செய்யப்பட்டன. மேலும் நோய்த்தொற்று பரவாமல் இருக்க பொதுமக்கள் அனைவருக்கும் கபசுரக் குடிநீா் வழங்கப்பட்டது. பொதுமக்கள் வெளியே வராமல் வீட்டிற்குள்ளேயே இருக்க வேண்டும் என்றும் அத்தியாவசிய தேவைகளுக்காக மட்டும் வெளியில் வருபவா்கள் கண்டிப்பாக முகக்கவசம் அணிந்து வரவேண்டும் என்றும் ஊராட்சி நிா்வாகத்தினா் அறிவுறுத்தினா் .
கரோனா நோய்த் தொற்றால் பாதிக்கப்பட்டவா்கள் வசித்த பகுதியில் அவா்களின் உறவினா்கள் மற்றும் அக்கம் பக்கத்தில் தொடா்பில் இருந்தவா்களுக்கு கபம் மற்றும் காய்ச்சல் தொடா்பான பரிசோதனைகள் மேற்கொள்ளப்பட இருப்பதாக சுகாதாரத் துறையினா் தெரிவித்தனா்.