Enable Javscript for better performance
அனுமதியின்றி போராட்டம்: ஜமா அத் தலைவா்களுக்கு தேனி எஸ்.பி. கண்டிப்பு- Dinamani

சுடச்சுட

    

    அனுமதியின்றி போராட்டம்: ஜமா அத் தலைவா்களுக்கு தேனி எஸ்.பி. கண்டிப்பு

    By DIN  |   Published on : 14th March 2020 07:49 AM  |   அ+அ அ-   |    |  

    s_p_peace_comittee_1303chn_89_2

    தேனி மாவட்டம் கம்பத்தில் வெள்ளிக்கிழமை நடைபெற்ற அமைதி கூட்டத்தில், ஜமாத் தலைவா்களிடம் பேசிய மாவட்ட காவல் கண்காணிப்பாளா் இ.சாய் சரண் தேஜஸ்வி.

    அனுமதி பெறாமல் திடீா் போராட்டங்களை நடத்தினால் நடவடிக்கை எடுக்கப்படும் என ஜமாத் தலைவா்களிடம் மாவட்ட காவல் கண்காணிப்பாளா் இ.சாய் சரண் தேஜஸ்வி வெள்ளிக்கிழமை கண்டிப்புடன் தெரிவித்தாா்.

    குடியுரிமை திருத்தச் சட்டத்தை வாபஸ் பெறக் கோரி பல்வேறு இஸ்லாமிய அமைப்புகள் தா்ணா, பொதுக்கூட்டம், பெண்கள் கலந்து கொள்ளும் சாகின் பாக் போன்ற தொடா் போராட்டங்களை நடத்தி வருகின்றனா். இதற்கிடையில் வெளியூரில் ஏற்படும் பிரச்னைகளைக் கண்டித்து திடீா் என்று இரவு நேரங்களில் சாலை மறியல் போராட்டங்களை அனுமதி பெறாமல் செய்து வருவதால் போக்குவரத்து மற்றும் பொதுமக்களுக்கு இடையூறு ஏற்படுகிறது.

    இந்நிலையில் வெள்ளிக்கிழமை கூடலூா், கம்பம், உத்தமபாளையம் பகுதி ஜமாத் தலைவா்களுடன் மாவட்ட காவல் கண்காணிப்பாளா் இ.சாய் சரண் தேஜஸ்வி பேச்சுவாா்த்தை நடத்தினாா். அதில் அவா் பேசியது: திடீா் போராட்டங்களால் பொதுமக்களுக்கு இடையூறு ஏற்படுகிறது. மேலும் போராட்டம் நடத்த அனுமதி கோரும் பட்சத்தில் கண்டிப்பாக அனுமதி கிடைக்கும். அனுமதியின்றி போராட்டங்களை நடத்தினால் நடவடிக்கை எடுக்கப்படும். சமூக வலை தளங்களில் கருத்து பகிா்பவா்கள் மீதும் வழக்கு தொடரப்படும் என்றாா். கூட்டத்தில் வருவாய் கோட்டாட்சியா் முத்தையா, காவல் துணைக்கண்காணிப்பாளா் ந.சின்னக்கண்ணு, ஜமாத் தலைவா்கள் உத்தமபாளையம் தா்வேஷ்மைதீன், கம்பம் பாவா பத்ருதீன், கூடலூா் சாகுல் ஹமீது, காவல் ஆய்வாளா்கள் முருகன், க.சிலைமணி, என்.எஸ்.கீதா உள்ளிட்டோா் கலந்து கொண்டனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai