வடகிழக்குப் பருவமழை காரணமாக தேனி மாவட்டம் கம்பம் அருகே உள்ள சுருளி அருவியில் நீா்வரத்து அதிகரித்து காணப்படுகிறது.
தேனி மாவட்டத்தில் உள்ள சுற்றுலாத் தலங்களில் மிகவும் புகழ் பெற்றது சுருளி மலையில் உள்ள சுருளி அருவி. தற்போது வடகிழக்குப் பருவ மழை தொடங்கியுள்ளதால் சுருளி அருவிக்கு நீா் வரத்து தரும் அரிசிப்பாறை, ஈத்தைப்பாறை ஆகிய ஓடைகளில் மழை நீா் வரத் தொடங்கியுள்ளது. இதனால் அருவிக்கு தண்ணீா் வரத்து அதிகரித்துள்ளது. கரோனா பொது முடக்கம் காரணமாக கடந்த சில மாதங்களாகவே சுற்றுலாப் பயணிகள் குளிக்க அனுமதிக்கப்படவில்லை.