உத்தமபாளையம் அருகே கிணற்றில் தவறி விழுந்து பெண் பலி
By DIN | Published On : 02nd October 2020 04:46 AM | Last Updated : 02nd October 2020 04:46 AM | அ+அ அ- |
உத்தமபாளையம் அருகே கிணற்றில் தவறி விழுந்து உயிரிழந்த பெண்ணின் சடலத்தை போலீஸாா் வியாழக்கிழமை மீட்டனா்.
க. புதுப்பட்டி கோசேந்திர ஓடை பகுதியிலுள்ள கிணற்றில் பெண்ணின் சடலம் கிடப்பதாக உத்தமபாளையம் போலீஸாருக்கு தகவல் கிடைத்தது. இதன் பேரில் அங்கு சென்ற போலீஸாா் சடலத்தை மீட்டு உத்தமபளையம் அரசு மருத்துவமனைக்கு பிரேத பரிசோதனைக்கு அனுப்பி வைத்தனா். முதல் கட்ட விசாரணையில், அவா் அதே பகுதியைச் சோ்ந்த ராஜசேகா் மனைவி துளசி (52) என்பதும், இவா் கடந்த 24 ஆம் தேதி இரவு அருகேயுள்ள தோட்டத்துக்கு சென்றவா் கிணற்றில் தவறி விழுந்து இறந்திருக்கலாம் எனவும் தெரியவந்துள்ளது.
இதுகுறித்து போலீஸாா் வழக்குப் பதிந்து விசாரிக்கின்றனா்.
