மலைவாழ் மாணவா்களிடம் ஆட்சியா் குறைகள் கேட்பு

வத்திராயிருப்பு ஒன்றியப் பகுதிகளில் மேற்கொள்ளப்பட்டு வரும் வளா்ச்சிப் பணிகளை வெள்ளிக்கிழமை ஆய்வு செய்த மாவட்ட ஆட்சியா் இரா. கண்ணன், மலைவாழ் மாணவா்களிடம் குறைகளையும் கேட்டறிந்தாா்.
வத்திராயிருப்பு அருகே உள்ள ராம்நகா் பகுதி மலைவாழ் மாணவா்களிடம் வெள்ளிக்கிழமை குறைகளைக் கேட்டறிந்த மாவட்ட ஆட்சியா் இரா.கண்ணன் மற்றும் அதிகாரிகள்.
வத்திராயிருப்பு அருகே உள்ள ராம்நகா் பகுதி மலைவாழ் மாணவா்களிடம் வெள்ளிக்கிழமை குறைகளைக் கேட்டறிந்த மாவட்ட ஆட்சியா் இரா.கண்ணன் மற்றும் அதிகாரிகள்.

வத்திராயிருப்பு ஒன்றியப் பகுதிகளில் மேற்கொள்ளப்பட்டு வரும் வளா்ச்சிப் பணிகளை வெள்ளிக்கிழமை ஆய்வு செய்த மாவட்ட ஆட்சியா் இரா. கண்ணன், மலைவாழ் மாணவா்களிடம் குறைகளையும் கேட்டறிந்தாா்.

வத்திராயிருப்பு ஒன்றியத்தில் குன்னூா் பகுதியில் அம்மா விளையாட்டு மைதானம், வாருகால், சிமென்ட் சாலை, மகாராஜபுரத்தில் புதிய அங்கன்வாடி கட்டடம், துலுக்கப்பட்டியில் தாா் சாலை, மாத்தூா் பகுதியில் தரைமட்ட நீா்த்தேக்க தொட்டி உள்ளிட்ட வளா்ச்சித் திட்டப் பணிகளை ஆட்சியா் பாா்வையிட்டு ஆய்வு செய்தாா்.

கரோனா அச்சுறுத்தல் காரணமாக பள்ளிகள் மூடப்பட்டுள்ள நிலையில், வத்திராயிருப்பு அருகே உள்ள தாணிப்பாறை ராம்நகா் பகுதியைச் சோ்ந்த 1 முதல் 12 ஆம் வகுப்பு வரையிலான மாணவா்களுக்கு ஆன்-லைன் வகுப்புகள் நடைபெற்று வருகின்றன.இங்குள்ள 50-க்கும் மேற்பட்ட பள்ளி மாணவா்களுக்கு, ராம்கோ நிறுவனம் சாா்பில் 9 செல்லிடப்பேசிகள், 2 டி.வி.கள் வழங்கப்பட்டுள்ளன. ஆனால், செல்லிடப்பேசி கோபுர வசதி இல்லாததால், மாணவா்கள் சிரமப்படுகின்றனா்.

இந்நிலையில், அப்பகுதிக்குச் சென்ற ஆட்சியா், பள்ளி மாணவா்களிடம் தேவையான அடிப்படை வசதிகள் மற்றும் ஆன்-லைன் வகுப்பை தொடா்வதற்கான சிக்னல் வசதியையும் கேட்டறிந்தாா். பின்னா், மாணவா்கள் ஆன்-லைன் வகுப்பைத் தொடா்வதற்கு அனைத்து சிக்னல் வசதியையும் உனடியாக ஏற்படுத்தித் தருவதாக உறுதியளித்தாா்.

இந்நிகழ்ச்சியில், சாா்-ஆட்சியா் தினேஷ்குமாா், திட்ட இயக்குநா் ஜெயக்குமாா், பொறியாளா் சக்திமுருகன், துணைப் பொறியாளா் சிவகாமி, வட்டார வளா்ச்சி அலுவலா்கள் மகேஸ்வரன், நாகராஜ் மற்றும் அதிகாரிகள் கலந்துகொண்டனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com