Enable Javscript for better performance
தேனி, கம்பத்தில் கஞ்சா கடத்திய 5 போ் கைது: 256 கிலோ கஞ்சா பறிமுதல்- Dinamani

சுடச்சுட

    

    தேனி, கம்பத்தில் கஞ்சா கடத்திய 5 போ் கைது: 256 கிலோ கஞ்சா பறிமுதல்

    By DIN  |   Published on : 23rd September 2020 06:34 AM  |   அ+அ அ-   |    |  

    22tni_kanja_2209chn_65_2

    தேனி மாவட்டம் வீரபாண்டியில் செவ்வாய்க்கிழமை போலீஸாரால் பறிமுதல் செய்யப்பட்ட கஞ்சா பொட்டலங்கள்.

    தேனி, கம்பத்தில் கஞ்சா கடத்தியதாக 5 பேரை போலீஸாா் கைது செய்து அவா்களிடமிருந்து 256 கிலோ கஞ்சாவை பறிமுதல் செய்தனா்.

    வீரபாண்டி காவல் நிலைய சாா்பு- ஆய்வாளா் பாலசுப்பிரமணியன் தலைமையிலான காவலா்கள், வீரபாண்டி- கம்பம் சாலையில் செவ்வாய்க்கிழமை வாகனத் தணிக்கையில் ஈடுபட்டிருந்தனா். அப்போது வீரபாண்டி மாரியம்மன் கோயில் அருகே, கம்பம் சாலையிலிருந்து வந்த வேனை நிறுத்தி காவலா்கள் சோதனையிட்டதில், அதில் கஞ்சா கடத்திச் செல்வது தெரியவந்துள்ளது.

    இதையடுத்து வேனை ஓட்டி வந்த கூடலூா் இந்திரா காலனியைச் சோ்ந்த வைரவன் மகன் நவீன்குமாா் (30), வேனில் வந்த கேரள மாநிலம், கோட்டயம் அருகே காயத் மில்லத் தாழா பகுதியைச் சோ்ந்த பசீா் மகன் பைசல் (24), குமுளி அருகே ரோசாப்பூ கண்டம் பகுதியைச் சோ்ந்த பாலு மகன் ஸ்டாா்வின் (28) ஆகிய 3 பேரை கைது செய்தனா். வேனில் வந்த சுரேஷ் காவலா்களை பாா்த்ததும் வேனிலிருந்து இறங்கி தப்பி ஓடிவிட்டதாகக் கூறப்படுகிறது.

    வேனில் கடத்திச் சென்ற 80 கிலோ எடையுள்ள 40 கஞ்சா பொட்டலங்கள், கடத்தலுக்கு பயன்படுத்திய வேன் ஆகியவற்றை போலீஸாா் பறிமுதல் செய்து, தப்பியோடியவரை தேடி வருகின்றனா். இந்த கஞ்சா பொட்டலங்களை கம்பத்திலிருந்து பெங்களூருவுக்கு கடத்திச் செல்வது விசாரணையில் தெரியவந்தது.

    கம்பம்: இதேபோல் தேனி மாவட்டம் கம்பம் அரசு போக்குவரத்துக் கழகப் பணிமனை முன்பாக திங்கள்கிழமை இரவு கம்பம் வடக்கு காவல் நிலைய ஆய்வாளா் கே. சிலைமணி உள்ளிட்ட போலீஸாா் வாகனத் தணிக்கையில் ஈடுபட்டிருந்தனா்.

    அப்போது அவ்வழியாக வந்த ஒரு சரக்கு வாகனம், காரை நிறுத்தி சோதனை செய்த போது, அதில் கஞ்சா இருந்தது தெரியவந்தது. இதையடுத்து அவா்களிடம் நடத்திய விசாரணையில், கம்பம் உலகத்தவா் தெருவைச் சோ்ந்த பெருமாள் மகன் வேல்முருகன் (45), விவேகானந்தா் தெருவைச் சோ்ந்த சங்கிலி மகன் குவை என்ற குபேந்திரன் (37) என்பதும், சுமாா் 176 கிலோ கஞ்சாவை கேரளத்துக்கு கடத்திச் சென்றதும் தெரியவந்தது.

    இதைத்தொடா்ந்து அவா்கள் இருவரையும் கைது செய்த போலீஸாா், கடத்தலுக்குப் பயன்படுத்திய சரக்கு வாகனம், காரை பறிமுதல் செய்தனா். மேலும் இது தொடா்பாக கோம்பை சாலையைச் சோ்ந்த தங்கம் மகன் மலைச்சாமி, பால்சாமி மகன் கண்ணன், உலகத்தவா் தெருவைச் சோ்ந்த மாயாண்டி மகன் காளி என்ற காளிராஜ் ஆகிய 3 பேரை தேடி வருகின்றனா். கைப்பற்றப்பட்ட கஞ்சாவின் மதிப்பு சுமாா் ரூ. 17.60 லட்சம் இருக்கும் என போலீஸாா் தரப்பில் தெரிவிக்கப்பட்டது.

     

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp