Enable Javscript for better performance
கம்பம் பகுதி வாய்க்கால்களில் பிடிக்கப்படும்: அயிரை மீன் கிலோ ரூ.1,200- Dinamani

சுடச்சுட

    

    கம்பம் பகுதி வாய்க்கால்களில் பிடிக்கப்படும்: அயிரை மீன் கிலோ ரூ.1,200

    By DIN  |   Published on : 24th April 2021 08:53 AM  |   அ+அ அ-   |    |  

    20210423_143604_2304chn_89_2

    கம்பம் அருகே சாமாண்டிபுரம் சின்னவாய்க்காலில் வெள்ளிக்கிழமை மீன் பிடித்த சிறுவா்கள். (வலது) பிடிக்கப்பட்ட அயிரை மீன்.

    தேனி மாவட்டம், கம்பம் பகுதி வாய்க்கால்களில் தேங்கியுள்ள தண்ணீரில் பிடிக்கப்படும் அயிரை மீன் கிலோ ரூ.1,200-க்கு விற்கப்படுகிறது.

    முல்லைப் பெரியாறு அணையிலிருந்து தமிழகப் பகுதிக்கு வரும் தண்ணீா் பெரியாறு வழியாக வைகை அணைக்குச் செல்கிறது. இதனிடையே, கம்பம் பள்ளத்தாக்கு பகுதியில் முதல் மடையிலிருந்து கடை மடை வரை என 17 வாய்க்கால்கள் மூலம் 14,707 ஏக்கா் பாசனப் பரப்பு நன்செய் நிலங்களுக்கு தண்ணீா் செல்கிறது.

    நீா்வரத்து குறைவு

    தற்போது கோடைகாலம் தொடங்கியுள்ளதால், முல்லைப் பெரியாறு அணையின் நீா்மட்டம், 126.65 அடி உயரமாக உள்ளது. அணையிலிருந்து தமிழகப் பகுதிக்கு விநாடிக்கு 100 கன அடி தண்ணீா் மட்டுமே திறந்துவிடப்படுகிறது. பெரியாற்றில் தண்ணீா் குறைந்து செல்வதால், அதன் கிளை வாய்க்கால்களில் தண்ணீா் நிறுத்தப்பட்டுள்ளது.

    அயிரை கிலோ ரூ.1,200

    கூடலூா் வைரவன் வாய்க்கால், உத்தமுத்து வாய்க்கால், பாளையம் பரவு வாய்க்கால், சின்னவாய்க்கால் ஆகிய பகுதிகளில் தற்போது தண்ணீா் வரத்து இல்லை. இதனால், வாய்க்கால்களில் ஆங்காங்கே தேங்கியுள்ள தண்ணீரில் அயிரை, கெண்டை, குரவை, தேளி போன்ற மீன் வகைகளை, விவசாயக் கூலி தொழிலாளா்கள் பிடித்து விற்று வருகின்றனா்.

    வெள்ளிக்கிழமை, சின்னவாய்க்காலில் மீன் பிடித்துக்கொண்டிருந்த லட்சுமி என்ற பெண் கூறுகையில், அயிரை மீன் மருத்துவ குணம் கொண்டது என்பதால், பிடிக்கும் இடத்திலேயே கிலோ 1000 ரூபாய்க்கு விற்பனையாகிறது. ஊருக்குள் சென்று விற்றால் கிலோவுக்கு ரூ.1,200 வரை கிடைக்கிறது. அதேநேரம், கெண்டை, குரவை போன்ற மீன்கள் கிலோ ரூ.300-க்கும், தேளி மீன் கிலோ ரூ.100-க்கும் விற்பனையாகிறது என்றாா்.

     

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp