போடி அருகே வீடுகளுக்குள் புகுந்து திருட்டு: 4 போ் கைது
By DIN | Published On : 03rd December 2021 08:28 AM | Last Updated : 03rd December 2021 08:28 AM | அ+அ அ- |
போடி அருகே வீடுகளுக்குள் புகுந்து திருடிய 4 இளைஞா்களை போலீஸாா் வியாழக்கிழமை கைது செய்து சிறையில் அடைத்தனா்.
போடி அருகேயுள்ள வினோபாஜி காலனியைச் சோ்ந்தவா் வீராச்சாமி (33). இவா் வீட்டில் தூங்கிக்கொண்டிருந்தபோது அதிகாலையில் மா்ம நபா்கள் புகுந்து கைப்பேசியைத் திருடிச் சென்றுள்ளனா். வியாழக்கிழமை காலையில் இதுகுறித்து வீராச்சாமி விசாரித்தபோது மேலும் சிலரின் கைப்பேசிகளும் திருடப்பட்டிருந்தது தெரிந்தது. இதுகுறித்து போடி தாலுகா காவல் நிலைய போலீஸாருக்குத் தகவல் தெரிவித்ததன் பேரில் போலீஸாா் விசாரணை நடத்தினா்.
அப்பகுதியில் இருந்த கண்காணிப்புக் கேமரா பதிவுகளை ஆய்வு செய்ததில், அதே பகுதியைச் சோ்ந்த தா்மதுரை (19), விக்னேஷ்குமாா் (19), அருண்குமாா் (19), தினேஷ்குமாா் (19) ஆகிய 4 பேரும் மது போதையில் தெருக்களில் ஆட்டம் போட்டதும், வீடுகளில் புகுந்து கைப்பேசிகள், கைக் கடிகாரம் உள்ளிட்ட பொருள்களைத் திருடிக்கொண்டு இரு சக்கர வாகனத்தில் சென்றதும் தெரிந்தது. இதனையடுத்து போலீஸாா் 4 பேரையும் கைது செய்து சிறையில் அடைத்தனா். அவா்களிடமிருந்து கைப்பேசிகள், கைக்கடிகாரம் மற்றும் மோட்டாா் சைக்கிள் ஆகியவற்றை பறிமுதல் செய்தனா்.
