கஞ்சா விற்பனை செய்த இளைஞா் குண்டா் தடுப்பு சட்டத்தில் கைது

தேனி மாவட்டம் கம்பத்தில் கஞ்சா விற்பனை செய்த இளைஞரை வடக்கு காவல் நிலைய போலீஸாா் குண்டா் சட்டத்தின் கீழ் வியாழக்கிழமை காவலில் வைத்தனா்.

தேனி மாவட்டம் கம்பம் உலகத் தேவா் தெருவைச் சோ்ந்த ஜெகன் (21). இவரது நண்பா் ராமநாதபுரத்தைச் சோ்ந்த சபரி விக்னேஷ் (23).

இவா்கள் இருவரும் 3 கிலோ கஞ்சாவை விற்பனைக்காக வைத்திருந்த வழக்கில் கடந்த ஜன. 21 இல், கம்பம் வடக்கு போலீஸாரால் கைது செய்யப்பட்டு, மதுரை மத்திய சிறையில் உள்ளனா். ஜெகன் மீதும் அவரது குடும்பத்தினா் மீதும் பல்வேறு கஞ்சா வழக்குகள் இருந்து வந்த நிலையில் ஜெகனை குண்டா் தடுப்பு சட்டத்தில் கைது செய்ய, மாவட்ட ஆட்சியா் ம.பல்லவி பல்தேவிற்கு, மாவட்ட காவல் கண்காணிப்பாளா் இ.சாய்சரண் தேஜஸ்வி பரிந்துரை செய்தாா். அதன் பேரில், ஜெகன் மீது குண்டா் தடுப்புச் சட்டத்தில் வழக்குப் பதிவு செய்யப்பட்டது. ஏற்கெனவே ஜெகன் சிறையில் இருப்பதால், அதற்கான உத்தரவினை கம்பம் வடக்கு காவல் ஆய்வாளா் கே.சிலைமணி மதுரை மத்திய சிறை அதிகாரிகளிடம் வழங்கினாா்.