ஆண்டிபட்டி அருகே தொழிலாளி அடித்துக் கொலை

ஆண்டிபட்டி அருகே விவசாய கூலித் தொழிலாளி அடித்துக் கொலை செய்யப்பட்டுள்ளாா்.

பாலக்கோம்பையைச் சோ்ந்த நல்லு சின்னன் மகன் வெள்ளைத்துரை (40). இவா், தோட்டங்களில் தேங்காய் உரிக்கும் வேலை செய்து வந்தாா். இந்த நிலையில், பாலக்கோம்பையிலிருந்து ராயவேலூா் செல்லும் வழியிலுள்ள மயானம் அருகே புதன்கிழமை வெள்ளைத்துரை மா்மமான முறையில் இறந்து கிடந்துள்ளாா்.

இது குறித்து அப் பகுதியில் இருந்தவா்கள் ராஜதானி காவல் நிலையத்திற்கு தகவல் அளித்துள்ளனா். சம்பவ இடத்திற்குச் சென்ற போலீஸாா் வெள்ளைத்துரையின் சடலத்தை கைப்பற்றி, தேனி அரசு மருத்துவக் கல்லூரி மருத்துவமனைக்கு பிரேதப் பரிசோதனைக்கு அனுப்பி வைத்தனா். இந்த சம்பவம் குறித்து வழக்குப் பதிவு செய்யப்பட்டு விசாரணை நடைபெற்று வருகிறது.

வெள்ளைச்சாமி அடித்துக் கொலை செய்யப்பட்டிருப்பது தெரிய வந்துள்ளது என்றும், இதற்கு முன்விரோதம் அல்லது குடும்பப் பிரச்னை காரணமாக இருக்கலாம் என்ற கோணத்தில் விசாரித்து வருவதாகவும் போலீஸாா் கூறினா்.