விருதுநகா் மாவட்ட அளவிலான 14 வயதுக்குட்பட்ட பள்ளி மாணவா்களுக்கு வாலிபால் போட்டி ஸ்ரீவில்லிபுத்தூா் குருஞானசம்பந்தா் இந்து மேல்நிலைப்பள்ளி மைதானத்தில் வெள்ளிக்கிழமை நடைபெற்றது.
பள்ளி செயலா் கிருஷ்ணன் தலைமை வகித்தாா். விளையாடுப் போட்டிகளை மாவட்ட கைப்பந்து கழகத் தலைவா் துரைசிங் தொடக்கி வைத்தாா். பள்ளி தலைமை ஆசிரியா் கண்ணன், தலைமை ஒருங்கிணைப்பாளா் பொன்னியின்செல்வன் ஆகியோா் பேசினா்.
போட்டியில் மாவட்டத்தின் பல்வேறு பகுதியிலுள்ள பள்ளிகளைச் சோ்ந்த 8 அணிகள் பங்கேற்றன. இறுதிப் போட்டியில் வத்திராயிருப்பு இந்து மேல்நிலைப்பள்ளி அணியும், குருஞானசம்பந்தா் மேல்நிலைப்பள்ளி அணியும் மேதின.
இதில் வத்திராயிருப்பு இந்து மேல்நிலைப்பள்ளி அணி முதலிடமும், குருஞாசம்பந்தா் மேல்நிலைப்பள்ளி அணி இரண்டாமிடமும், மேலக்கேபாலாபுரம் பள்ளி அணி மூன்றாமிடமும் பெற்றன. வெற்றி பெற்றவா்களுக்கு கோப்பையும், பதக்கமும் வழங்கப்பட்டன.
வெற்றி பெற்றவா்களை பள்ளி தலைமையாசிரியா் கண்ணன், உடற்கல்வி இயக்குநா் வருண்குமாா் ஆகியோா் பாராட்டினா்.