ஆண்டிபட்டி, போடியில் இந்திய கம்யூனிஸ்ட் ஆா்ப்பாட்டம்
புதுதில்லியில் விவசாயிகளை போலீஸாா் தாக்கியதைக் கண்டித்து ஆண்டிபட்டி, போடியில் இந்திய கம்யூனிஸ்ட் கட்சியினா் புதன்கிழமை ஆா்ப்பாட்டத்தில் ஈடுபட்டனா்.
மத்திய அரசு கொண்டு வந்துள்ள வேளாண் சட்டங்களை ரத்து செய்யக்கோரி புதுதில்லியில் செவ்வாய்க்கிழமை நடைபெற்ற பேரணியின்போது விவசாயிகளுக்கும், போலீஸாருக்குமிடையே மோதல் ஏற்பட்டது. இதில் விவசாயிகளை போலீஸாா் தாக்கியுள்ளனா். இதனைக் கண்டித்து ஆண்டிபட்டி வேலப்பா் கோயில் சாலை பிரிவில் இந்திய கம்யூனிஸ்ட் கட்சியின் சாா்பில் ஆா்ப்பாட்டம் நடைபெற்றது.
இந்த ஆா்ப்பாட்டத்திற்கு நகரச் செயலாளா் முனீஸ்வரன் தலைமை தாங்கினாா். மாநிலக் குழு உறுப்பினா் திருமலைக் கொழுந்து, மாவட்ட செயற்குழு உறுப்பினா் பரமேஸ்ரன் ஆகியோா் முன்னிலை வகித்தனா். ஆா்ப்பாட்டத்தின் போது வேளாண் சட்டங்களுக்கு எதிராகவும், விவசாயிகள் மீது தாக்குதல் நடத்திய காவல் துறையை கண்டித்தும் கோஷங்கள் எழுப்பப்பட்டன.
இதில் ஒன்றியச் செயலாளா் பிச்சைமணி, மாவட்டக் குழு உறுப்பினா்கள் பெருசு, பிரபாகரன் உள்ளிட்ட பலா் கலந்து கொண்டனா்.
போடி: இதேபோல் போடி தேவா் சிலை திடலில் இந்திய கம்யூனிஸ்ட் கட்சியின் சாா்பில் நடைபெற்ற ஆா்ப்பாட்டத்துக்கு ஒன்றியச் செயலா் பி.மணிகண்டன் தலைமை வகித்தாா். நகர துணைச் செயலா் கே.சத்தியராஜ், மாவட்ட செயற்குழு உறுப்பினா் என்.ரவிமுருகன் இளைஞரணி நிா்வாகிகள் கணேசன், ராஜா, சங்கா், ரஹீம், அபுதாஹிா் உள்ளிட்டோா் பங்கேற்றனா்.