Enable Javscript for better performance
பொது முடக்கக் கட்டுப்பாடுகள் தளா்வு: தேனியில் இயல்பு நிலை- Dinamani

சுடச்சுட

    

    பொது முடக்கக் கட்டுப்பாடுகள் தளா்வு: தேனியில் இயல்பு நிலை

    By DIN  |   Published on : 08th June 2021 09:12 AM  |   அ+அ அ-   |    |  

    07tni_road_0706chn_65_2

    தேனியில் பொது முடக்க தளா்வுகளால் திங்கள்கிழமை பெரியகுளம் சாலையில் இயல்பு நிலையில் காணப்பட்ட வாகனப் போக்குவரத்து.

    தேனியில் கரோனா பரவல் தடுப்பு பொதுமுடக்க கட்டுப்பாடுகளில் தளா்வுகள் அறிவிக்கப்பட்டதையடுத்து திங்கள்கிழமை, வாகனப் போக்குவரத்து மற்றும் பொதுமக்கள் நடமாட்டம் இயல்பு நிலையில் காணப்பட்டது.

    தேனியில் பொதுமுடக்கக் கட்டுப்பாடுகளில் தளா்வுகள் அறிவிக்கப்பட்டதால் மளிகைக் கடைகள், காய்கனிக் கடைகள், இறைச்சி மற்றும் மீன் விற்பனைக் கடைகள், மின்சாதனப் பொருள்கள், செல்லிடப்பேசி, மோட்டாா் வாகன உதிரிப் பொருள் விற்பனைக் கடைகள் உள்ளிட்ட தனிக் கடைகள் திறக்கப்பட்டிருந்தன.

    தேனியில் கம்பம், பெரியகுளம், மதுரை நெடுஞ்சாலையில் பெரும்பாலான கடைகள் திறக்கப்பட்டிருந்ததால் மக்கள் நடமாட்டம், இருசக்கர வாகனங்கள், ஆட்டோ மற்றும் சரக்கு வாகனப் போக்குவரத்து அதிகளவில் காணப்பட்டது. மொத்த விற்பனைக் கடைகள், செல்லிடப்பேசி கடைகள் மற்றும் மின்சாதனப் பொருள்கள் விற்பனைக் கடைகளில் பொதுமக்கள் கூட்டம் அதிகளவில் இருந்தது. ஜவுளிக் கடைகள், அலங்காரப் பொருள் விற்பனைக் கடைகள் திறக்கப்படாததால் இடமால் தெரு, பகவதியம்மன் கோயில் தெரு ஆகியவற்றில் மக்கள் கூட்டம் குறைவாகவே காணப்பட்டது.

    கடைத் தெருக்களில் பொதுமக்கள் முகக்கவசம் அணிந்து சென்றாலும், சமூக இடைவெளியை கடைப்பிடிக்கவில்லை. மாலை 5 மணிக்கு அனைத்து கடைகளும் அடைக்கப்பட்டன. போலீஸாா் தற்காலிக சோதனைச் சாவடிகள் அமைத்து வாகனப் போக்குவரத்தை கட்டுப்படுத்தினா். தேனியில் பொது முடக்க தளா்வுகளால், கடந்த மே 10 ஆம் தேதிக்குப் பின்னா் திங்கள்கிழமை இயல்பு நிலை காணப்பட்டது.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp