கூடலூரில் விவசாயிகள் அஞ்சல் அட்டை அனுப்பும் போராட்டம்

லோயா்கேம்ப்-மதுரை கூட்டுக் குடிநீா் திட்டத்தை ரத்து செய்யக்கோரி தேனி மாவட்டம் கூடலூரில், முல்லை சாரல் விவசாயிகள் சங்கம் சாா்பில் அஞ்சல் அட்டை அனுப்பும் போராட்டம் புதன்கிழமை நடைபெற்றது.

தேனி மாவட்டம் லோயா் கேம்ப் தடுப்பணையிலிருந்து மதுரை மாநகராட்சிக்கு குடிநீா் கொண்டு செல்வதற்கான திட்டம் நடைபெற்று வருகிறது. இத்திட்டத்தை ரத்து செய்ய பல்வேறு அமைப்புகள் கோரிக்கை விடுத்து வருகின்றனா். பல்வேறு போராட்டங்களும் நடைபெற்று வருகின்றன.

இந்நிலையில், முல்லைச் சாரல் விவசாயிகள் சங்கம் சாா்பில் புதன்கிழமை அஞ்சல் அட்டை அனுப்பும் போராட்டம் நடைபெற்றது. கூடலூா் பழைய பேருந்து நிலையம் அருகே பொதுமக்களிடம் அட்டைகளில் கையெழுத்து பெற்று, அதை தமிழக முதல்வருக்கு அஞ்சல் மூலம் அனுப்பி வைத்தனா்.

தீண்டாமை ஒழிப்பு முன்னணி ஆா்ப்பாட்டம்: இதேபோல் தேனி மாவட்டம் கம்பத்தில் தீண்டாமை ஒழிப்பு முன்னணி அமைப்பு சாா்பில் புதன்கிழமை ஆா்ப்பாட்டம் நடைபெற்றது. மாவட்டத் தலைவா் வி.மோகன் தலைமையில் நடைபெற்ற இந்த ஆா்ப்பாட்டத்தில் மாா்க்சிஸ்ட் கம்யூனிஸ்ட் கட்சி நகரச் செயலாளா் கே.ஆா்.லெனின், இந்திய கம்யூனிஸ்ட் கட்சி நகரச் செயலாளா் எம்.வி.கல்யாண சுந்தரம், ஆதிதமிழா் பேரவை பொறுப்பாளா் குமரவேல், விவசாய சங்க மாவட்ட தலைவா் ஜெயராஜ், சிறுபான்மையினா் நலக்குழு மாவட்டச் செயலாளா் ஜி.எம்.நாகராஜன், ஜனநாயக வாலிபா் சங்க துணைச் செயலாளா் மணியரசன் உள்ளிட்டோா் கலந்து கொண்டனா்.