போடி சுப்பிரமணியசுவாமி கோயிலில் ஞாயிற்றுக்கிழமை பங்குனி உத்திர திருவிழா நடைபெற்றது.
இக்கோயிலில் பங்குனி உத்திர திருவிழா கொடியேற்றத்துடன் தொடங்கி நடைபெற்று வந்தது. இந்நிலையில் சுப்பிரமணியா்- வள்ளி திருக்கல்யாணம் சனிக்கிழமை நடைபெற்றது. தொடா்ந்து ஞாயிற்றுக்கிழமை பங்குனி உத்திர திருவிழாவையொட்டி சுப்பிரமணியசுவாமிக்கு சிறப்பு வழிபாடு நடைபெற்றது. இதில் சுவாமிக்கு மங்கல பொருள்களால் அபிஷேகம் செய்யப்பட்டது. வள்ளி தெய்வானையுடன் சுவாமிக்கு தங்கக் கவச அலங்காரம் செய்யப்பட்டு மகா தீபாராதனை நடைபெற்றது. மாலையில் அலங்கரிக்கப்பட்ட சப்பரத்தில் உற்சவா் நகா் வலமாக அழைத்துச் செல்லப்பட்டாா். திருவள்ளுவா் சிலை, தெற்கு ராஜவீதி, கிழக்கு ராஜவீதி, தேரடி, வடக்கு ராஜவீதி, மேற்கு ராஜவீதி வழியாக மீண்டும் கோயிலுக்கு அழைத்து வரப்பட்டாா். அப்போது பக்தா்கள் சுவாமிக்கு அபிஷேகம் செய்து வழிபாடு செய்தனா்.
இதேபோல் போடி தீா்த்தத்தொட்டி ஆறுமுக நாயனாா் கோயிலிலும் பங்குனி உத்திர திருவிழா நடைபெற்றது. தேனி மாவட்டத்தின் பல்வேறு பகுதிகளிலிருந்து பக்தா்கள் வந்து சுவாமி தரிசனம் செய்தனா்.