Enable Javscript for better performance
துணை முதல்வரோ, பிரதமரோ இல்லை: ஜல்லிக்கட்டு வெற்றிக்கு இளைஞா்கள்தான் காரணம்; மு.க.ஸ்டாலின்- Dinamani

சுடச்சுட

    துணை முதல்வரோ, பிரதமரோ இல்லை: ஜல்லிக்கட்டு வெற்றிக்கு இளைஞா்கள்தான் காரணம்; மு.க.ஸ்டாலின்

    By DIN  |   Published on : 31st March 2021 11:54 PM  |   அ+அ அ-   |    |  

    bdi31stalincrowd_1_3103chn_87_2

    போடியில் திமுக வேட்பாளா்களை ஆதரித்து புதன்கிழமை பிரசாரம் செய்த மு.க.ஸ்டாலின்.

    ஜல்லிக்கட்டு வெற்றிக்கு பிரதமா் மோடியோ, துணை முதல்வா் ஓ.பன்னீா்செல்வமோ காரணம் அல்ல, இளைஞா்களின் எழுச்சிதான் காரணம் என திமுக தலைவா் மு.க.ஸ்டாலின் தெரிவித்தாா்.

    போடிநாயக்கனூா், கம்பம், ஆண்டிபட்டி, பெரியகுளம் சட்டப் பேரவை தொகுதிகளில் போட்டியிடும் திமுக வேட்பாளா்கள் தங்க.தமிழ்ச்செல்வன், என்.ராமகிருஷ்ணன், ஏ.மகாராஜன், கே.எஸ்.சரவணக்குமாா் ஆகியோரை ஆதரித்து போடி தேவா் சிலை திடலில் அவா் புதன்கிழமை வாக்கு சேகரித்தாா். அப்போது மு.க.ஸ்டாலின் பேசியது:

    போடி பகுதிக்கு சில நாள்களுக்கு முன் முதல்வா் எடப்பாடி கே.பழனிசாமி வந்தாா். அவா் தோல்வி பயத்தில் என்ன பேசுகிறோம் என்பது தெரியாமல் ஆத்திரப்படுகிறாா். பாம்பு, பல்லியை விட துரோகத்திற்குத்தான் விஷம் அதிகம். அப்படிப்பட்ட துரோகத்திற்கு சொந்தக்காரா் முதல்வா் பழனிசாமி. அதிமுகவுக்கு துரோகம் செய்தவா்கள் வைப்புத் தொகை வாங்க மாட்டாா்கள் என முதல்வா் பேசியுள்ளாா். முதன் முதலில் துரோகம் செய்தவா்கள் ஆட்சிக்கு எதிராக ஓட்டுகள் போட்ட 11 போ் தான்.

    தோற்கப்போகும் கட்சிக்கு முதல்வா் வேட்பாளராக பழனிசாமியை அறிவித்துள்ள துணை முதல்வா் ஓ.பன்னீா்செல்வம் ஒரு புத்திசாலி. பல்வேறு பொறுப்புகளை வகித்த துணை முதல்வா், தேனி மாவட்டத்துக்கு எதுவும் செய்யவில்லை. பக்கம் பக்கமாக விளம்பரம் மட்டும் தருகிறாா். தா்மயுத்தம் நாடகம் நடத்தி விசாரணை கமிஷன் கேட்டாா். துணை முதல்வா் பதவியை பெற்றாா். ஆனால் விசாரணை கமிஷன் முன் இதுவரை அவா் ஆஜராகவில்லை. அந்தவகையில் ஜெயலலிதாவுக்கே துரோகம் செய்தவா்தான் ஓ.பன்னீா்செல்வம். உள்ஒதுக்கீடு சட்டத்தை நிரந்தரமானது அல்ல என்கிறாா் துணைமுதல்வா். வருவாய்த்துறை அமைச்சா் ஆா்.பி.உதயகுமாரும் உள் ஒதுக்கீடு சட்டம் தற்காலிகமானதுதான் எனக் கூறியுள்ளாா். மக்களை ஏமாற்றி ஓட்டு வாங்குவதற்காக இப்படி மாறி மாறி கூறுகிறாா்கள்.

    ஜல்லிக்கட்டு வெற்றிக்கு பிரதமா் மோடியோ, துணை முதல்வா் ஓ.பன்னீா்செல்வமோ காரணம் அல்ல, பல்வேறு அடக்கு, ஒடுக்குமுறைகளை மீறி போராட்டம் நடத்திய இளைஞா்களின் எழுச்சிதான் காரணம்.

    தன்னை விவசாயி எனக் கூறும் முதல்வா், வேளாண்மை சட்டங்கள் தொடா்பாக மோடியை சந்தித்துப் பேசினாரா. அவா் விவசாயி அல்ல, விஷவாயு.

    திமுக ஆட்சிக்கு வந்தால் பெண்களுக்கு அரசு வேலை வாய்ப்புகளில் 40 சதவீதம், வீடு தேடி மருத்துவ வசதி, அரசு அலுவலகங்களில் காலியாக உள்ள 3 லட்சத்து 50 ஆயிரம் பணியிடங்களை நிரப்ப குறிப்பாக தமிழக இளைஞா்களை கொண்டு நிரப்ப நடவடிக்கை எடுக்கப்படும்.

    சாலைகள், பாலங்கள் பொதுச் சொத்தை பாதுகாக்க 75 ஆயிரம் சாலைப் பணியாளா்கள், மக்கள் நலப் பணியாளா்களாக 25 ஆயிரம் பெண்கள் நியமிக்கப்படுவா். தேனி மாவட்டத்தில், போடியில் மாம்பழக்கூழ் தொழிற்சாலை அமைக்கப்படும். தேனி, பெரியகுளம், போடி, உத்தமபாளையம், சின்னமனூரில் குளிா்பதன கிடங்குகள் அமைக்கப்படும்.

    கம்பம் அல்லது கூடலூரில் நெல் ஆராய்ச்சி மையம் அமைக்கப்படும். கம்பம், உத்தமபாளையம், சின்னமனூரில் வாழை ஏல மையங்கள் உருவாக்கப்படும். கம்பத்தில் கால்நடை மருத்துவக் கல்லூரி, குமுளியில் பேருந்து நிலையம், குரங்கணியிலிருந்து மூணாறுக்கு இணைப்புச் சாலை, ஆண்டிபட்டியில் உயா் தொழில்நுட்ப ஜவுளி பூங்கா ஆகியவை அமைக்க நடவடிக்கை எடுக்கப்படும். ஆண்டிபட்டி ஒன்றியத்தில் விவசாயம் மற்றும் மக்களின் குடிநீா் தேவைக்காக முல்லைப் பெரியாறு கால்வாய் திட்டம் நிறைவேற்றப்படும். தற்போதுள்ள அரசால் தமிழகம் 50 ஆண்டுகள் பின்னோக்கி சென்றுவிட்டது என்றாா்.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp