தேனி மாவட்டம், வடவீரநாயக்கன்பட்டியில் 94.65 ஏக்கா் அரசு நிலம் அபகரிக்கப்பட்டதாக அளிக்கப்பட்ட புகாரை லஞ்ச ஒழிப்பு பிரிவு போலீஸாரின் விசாரணைக்கு வியாழக்கிழமை, மாவட்ட காவல் கண்காணிப்பாளா் பிரவீன் உமேஷ் டோங்கரே பரிந்துரை செய்தாா்.
வடவீரநாயக்கன் பட்டியில் பல்வேறு சா்வே எண்களில் உள்ள 94.65 ஏக்கா் அரசு நிலத்திற்கு வருவாய்த் துறை சாா்பில் முறைகேடாக பட்டா வழங்கி, நிலம் அபகரிக்கப்பட்டுள்ளதாக புகாா் எழுந்தது. இந்தப் புகாரின் அடிப்படையில், தலா 2 வட்டாட்சியா்கள், துணை வட்டாட்சியா்கள், நில அளவையா்கள் என இதுவரை மொத்தம் 6 போ் தற்காலிகப் பணி நீக்கம் செய்யப்பட்டுள்ளனா்.
இந்த நிலையில், அரசு நிலத்திற்கு முறைகேடாக பட்டா பெற்று அபகரித்தவா்கள், உடந்தையாக இருந்த வருவாய்த் துறை அலுவலா்கள் மீது குற்றவியல் நடவடிக்கை எடுக்குமாறு மாவட்ட காவல் கண்காணிப்பாளரிடம் பெரியகுளம் சாா்- ஆட்சியா் ஆ.ரிஷப் புகாா் அளித்தாா்.
வருவாய்த்துறை அ-பதிவேட்டில் கணினி மூலம் திருத்தம் செய்து அரசு நிலத்திற்கு பட்டா வழங்கப்பட்டுள்ளதால், இந்த விவகாரத்தில் மாவட்ட வருவாய்த் துறை உயரதிகாரிகள் சிலருக்கும் தொடா்பு உள்ளதாகக் கூறப்படும் நிலையில், இந்தப் புகாா் மனு மீது விசாரணை நடத்த சென்னை, காவல் துறை லஞ்ச ஒழிப்பு பிரிவுக்கு மாவட்ட காவல் கண்காணிப்பாளா் பரிந்துரை செய்துள்ளாா்.