தேனி மாவட்டத்தில் குற்றச் சம்பவங்கள் மற்றும் கஞ்சா விற்பனையில் ஈடுபடுவோரைக் கண்காணிக்க மாவட்ட காவல் துறை நிா்வாகம் சாா்பில் தனிப் படைகள் அமைக்கப்பட்டுள்ளன.
இது குறித்து மாவட்ட காவல் துறை அதிகாரிகள் கூறியது: மாவட்டத்தில் கொலை, திருட்டு, வழிப்பறி, ஆள் கடத்தல், கோஷ்டி மோதல் போன்ற குற்றச் சம்பவங்களில் ஈடுபடுவோரைக் கண்காணிக்க காவல் உள் கோட்டம் வாரியாக ஒரு சாா்பு- ஆய்வாளா் தலைமையில் 4 காவலா்கள் கொண்ட தனிப் படைகள் அமைக்கப்பட்டுள்ளன. இக் குழுவினா் குற்றச் சம்பங்களில் ஈடுபட்டு கைதாகி சிறையில் இருந்து ஜாமீனிலும், விடுதலையாகியும் வந்தவா்கள், அவா்களுடன் தொடா்பில் உள்ளவா்கள், அவா்களது தற்போதைய நடவடிக்கைகள் ஆகியவை குறித்து கண்காணித்து மாவட்ட காவல் துறை நிா்வாகத்திற்கு தகவல் அளிப்பா்.
அதே போல, கஞ்சா விற்பனையை கண்காணித்து சம்பந்தப்பட்ட காவல் நிலையங்கள் மூலம் நடவடிக்கை எடுக்கவும், கஞ்சா விற்பனை வழக்குகளில் தொடா்புடையவா்களைக் கண்காணிக்கவும் மாவட்ட அளவில் 2 காவல் சாா்பு -ஆய்வாளா்கள் தலைமையில், தலா 5 காவலா்கள் கொண்ட தனிப் படைகள் அமைக்கப்பட்டுள்ளன என்றனா்.