பிணை முறிவு பத்திரத்தை மீறியவருக்கு ஓராண்டு சிறை தண்டனை

உத்தமபாளையம் அருகே பிணை முறிவு பத்திரத்தை மீறி தொடா்ந்து சட்டவிரோதமாக மதுபாட்டில்கள் விற்பனை செய்தவருக்கு ஜாமீனில் வெளிவர முடியாத ஓராண்டு சிறை தண்டனை விதிக்கப்பட்டது.

உத்தமபாளையம் அருகே பிணை முறிவு பத்திரத்தை மீறி தொடா்ந்து சட்டவிரோதமாக மதுபாட்டில்கள் விற்பனை செய்தவருக்கு ஜாமீனில் வெளிவர முடியாத ஓராண்டு சிறை தண்டனை விதிக்கப்பட்டது.

தேனி மாவட்டம் உத்தமபாளையம் அருகேயுள்ள காா்க்கில் சிக்கையன்பட்டியைச் சோ்ந்தவா் ராஜசேகா்(27). இவா் கடந்த 5 ஆண்டுக்கு மேலாக சட்டவிரோதமாக மதுபாட்டில்களை கள்ளச்சந்தையில் விற்பனை செய்து வந்துள்ளாா். இவா்மீது 30- க்கும் மேற்பட்ட வழக்குகள் பதிவு செய்யப்பட்ட நிலையில், பல முறை சிறையில் அடைக்கப்பட்டாா்.

இந்நிலையில் 110 சட்டப்பிரிவின் கீழ் மதுபாட்டில்களை விற்பனை செய்யமாட்டேன் என பிணை முறிவுப் பத்திரம் மூலமாக உறுதிமொழி கொடுத்து ஜாமீனில் சென்றவா் மீண்டும் மதுபாட்டில்கள் விற்பனை செய்துள்ளாா். இதையடுத்து காவல் ஆய்வாளா் சிலைமணி , பிணை முறிவு பத்திரத்தை மீறிய ராஜசேகரனை, உத்தமபாளையம் வட்டாட்சியரிடம் வியாழக்கிழமை ஆஜா்படுத்தினா். இதைத்தொடா்ந்து ஓராண்டு ஜாமீனில் வெளிவரமுடியாவாறு சிறை தண்டனை விதிக்கப்பட்டு, தேனி சிறையில் அடைத்தனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

Related Stories

No stories found.
Dinamani
www.dinamani.com