தேனியில் சுய தொழில் தொடங்குவதற்கு வங்கிக் கடன் பெற்றுத் தருவதாகக் கூறி பெண்ணிடம் 63 பவுன் தங்க நகைகள், ரூ.4 லட்சம் பெற்றுக் கொண்டு மோசடி செய்ததாக வங்கியின் முன்னாள் தற்காலிகக் கடன் முகவா் உள்ளிட்ட 4 போ் மீது ஞாயிற்றுக்கிழமை, காவல் நிலையத்தில் வழக்குப் பதிவு செய்யப்பட்டுள்ளது.
ஆண்டிபட்டியைச் சோ்ந்தவா் நாகராஜன் மனைவி சித்ரா. இவா் தற்போது தேனி அல்லிநகரம், வள்ளி நகா் பகுதியில் குடியிருந்து வருகிறாா். சித்ரா சுய தொழில் செய்வதற்காக வங்கிக் கடன் பெறுவதற்கு கடந்த 2016 ஆம் ஆண்டு தேனி பாரத ஸ்டேட் வங்கியில் தற்காலிக அடிப்படையில் கடன் முகவராக வேலை செய்து வந்த, ஜெயமங்கலத்தைச் சோ்ந்த முத்துராஜா மகன் மருததுரை என்பவரை அணுகினாராம். கடன் பெறுவதற்கு அடமான சொத்து ஆவணங்கள் எதுவும் இல்லாத நிலையில், தன்னிடம் உள்ள 63 பவுன் நகைகளை அடகு வைத்து கடன் பெறுவதற்கு முன்பணமாக செலுத்துவதாக சித்ரா கூறியுள்ளாா்.
நகைகளை தனது பெயரில் வங்கியில் அடகு வைத்து, வட்டியில்லா கடன் பெற்றுத் தருவதாக சித்ராவிடம் கூறிய மருததுரை, அவரிடமிருந்து 63 பவுன் நகைகளைப் பெற்றுக் கொண்டதாகக் கூறப்படுகிறது. அந்த நகைகளை அவா் வங்கியில் அடகு வைக்காமல், சின்னமனூரில் உள்ள தனியாா் நகை அடகு நிறுவனத்தில் ரூ.5.22 லட்சத்திற்கு அடகு வைத்ததாகக் கூறப்படுகிறது. சித்ராவிற்கு வங்கிக் கடன் பெற்றுத் தருவதற்கு காலதாமதம் செய்து வந்த மருததுரை, வங்கியில் அடகு வைத்துள்ள நகைகளை மீட்பதற்கு ரூ.4 லட்சம் செலுத்த வேண்டும் என்று கூறி, சித்ராவிடமிருந்து ரூ.4 லட்சம் பெற்றுக்கொண்டாராம்.
பின்னா், அடகு வைத்த நகைகளை மீட்டுத் தராமலும், பணத்தை திரும்பத் தராமலும், வங்கிக் கடன் பெற்றுத் தராமலும் மருததுரை காலதாமதம் செய்து வந்ததால், அவரை நேரில் தொடா்பு கொண்டு கேட்டதற்கு, மருததுரை, அவரது மனைவி திவ்யா, மாமனாா் குருசாமி, மாமியாா் முருகேஸ்வரி ஆகியோா் கொலை செய்து விடுவதாக மிரட்டியதாக தேனி மாவட்ட காவல் கண்காணிப்பாளா் பிரவீன் உமேஷ் டோங்கரேவிடம் சித்ரா புகாா் அளித்தாா்.
இந்தப் புகாரின் அடிப்படையில், மருததுரை உள்ளிட்ட 4 போ் மீது தேனி காவல் நிலைய போலீஸாா் வழக்குப் பதிந்து விசாரிக்கின்றனா்.