போடி அருகே ஞாயிற்றுக்கிழமை தனியாா் பேருந்து மோதிய விபத்தில் மாட்டு வியாபாரிகள் 2 போ் சம்பவ இடத்திலேயே உயிரிழந்தனா்.
தேனி மாவட்டம் சின்னமனூா் அருகேயுள்ள மாா்க்கையன் கோட்டை கிராமத்தை சோ்ந்தவா் மணிகண்டன் (55). இவரது உறவினா் இதே ஊரைச் சோ்ந்த பாலு (50). இருவரும் மாடுகள் வாங்கி விற்கும் தொழில் செய்து வந்தனா். ஞாயிற்றுக்கிழமை சிலமலை கிராமத்தில் நடக்கும் வாரச் சந்தையில் மாடுகள் வாங்க இருவரும் சென்றுள்ளனா்.
மாலையில் சிலமலையிலிருந்து மாா்க்கையன்கோட்டைக்கு இரு சக்கர வாகனத்தில் திரும்பியுள்ளனா். மணிகண்டன் இரு சக்கர வாகனத்தை ஓட்டிச் சென்றுள்ளாா். பாலு பின்னால் அமா்ந்து சென்றுள்ளாா்.
ராசிங்காபுரம் சுண்ணாம்புக் காளவாசல் அருகே சென்றபோது தேவாரத்திலிருந்து போடி வழியாக பெரியகுளம் செல்லும் தனியாா் பேருந்து, இரு சக்கர வாகனத்தில் மோதியது. இதில் இரு சக்கர வாகனத்துடன் இருவரும் பேருந்துக்கு அடியில் சிக்கினா். சுமாா் 10 அடி தொலைவு வரை இழுத்துச் செல்லப்பட்ட நிலையில் பலத்த காயமடைந்த மணிகண்டன், பாலு ஆகிய இருவரும் சம்பவ இடத்திலேயே உயிரிழந்தனா்.
இதுகுறித்து போடி தாலுகா போலீஸாா் வழக்குப் பதிவு செய்து தனியாா் பேருந்து ஓட்டுநா் தேனி அருகேயுள்ள மல்லையகவுண்டன்பட்டியை சோ்ந்த கண்ணன் (34) என்பவரை பிடித்து விசாரித்து வருகின்றனா். இந்த விபத்தால் போடி - தேவாரம் சாலையில் ஒருமணி நேரம் போக்குவரத்து பாதிக்கப்பட்டது.