முகப்பு அனைத்துப் பதிப்புகள் மதுரை தேனி
பள்ளி ஆசிரியா் வீட்டில் 41 பவுன் நகைகள் திருட்டு
By DIN | Published On : 11th May 2022 12:00 AM | Last Updated : 11th May 2022 12:00 AM | அ+அ அ- |
தேனி மாவட்டம் கம்பத்தில் பள்ளி ஆசிரியா் வீட்டுக் கதவை உடைத்து 41 பவுன் நகைகளை மா்ம நபா்கள் திருடிச் சென்றுள்ளனா்.
கம்பம் நேதாஜி நகரில் குடியிருப்பவா் ஜெயச்சந்திரன். அரசுப் பள்ளி ஆசிரியராக உள்ளாா். கடந்த மே. 6 இல் இவரது மாமனாா் இறந்து விட்டாா். அதற்காக வீட்டை பூட்டி விட்டு மாமனாா் வீட்டுக்குச் சென்றுவிட்டாா்.
மே.7 இல் வீட்டுக்கு வந்து பாா்த்தபோது கதவு உடைக்கப்பட்டு திறந்து கிடந்துள்ளது. வீட்டில் வைத்திருந்த 41 பவுன் நகைகள் காணாமல் போயிருந்தன. இதுபற்றி கம்பம் வடக்கு காவல் நிலையத்தில் அவா் அளித்தப் புகாரின்பேரில் போலீஸாா் சம்பவ இடத்துக்குச் சென்று பாா்வையிட்டு தடயங்களை சேகரித்தனா். இது தொடா்பாக ஏ.எஸ்.பி. ஸ்ரேயா குப்தா, கம்பம் வடக்கு காவல் ஆய்வாளா் சரவணன் ஆகியோா் தலைமையில் தனிப்படை அமைக்கப்பட்டுள்ளது. அவா்கள் இதுதொடா்பாக 3 பேரைப் பிடித்து விசாரித்து வருகின்றனா்.
