தேனி மாவட்டம், கம்பத்தில் ரூ. 4.10 கோடி மதிப்பீட்டில் அமைக்கப்பட்ட கசடு கழிவுநீா் சுத்திகரிப்பு நிலையம் காணொலி காட்சி மூலம் செவ்வாய்க்கிழமை தொடக்கி வைக்கப்பட்டது.
இதையொட்டி, கம்பம் நகராட்சி உரக்கிடங்கில் நடைபெற்ற விழாவுக்கு, நகா் மன்றத் தலைவா் வனிதா நெப்போலியன் தலைமை வகித்தாா். துணைத் தலைவா் சுனோதா செல்வக்குமாா் முன்னிலை வகித்தாா். கம்பம் சட்டப்பேரவை உறுப்பினா் என். ராமகிருஷ்ணன் குத்துவிளக்கு ஏற்றி தொடக்கி வைத்தாா். பின்னா், அவா் பேசியதாவது:
ஒருங்கிணைந்த நகா்புற வளா்ச்சி மேம்பாட்டுத் திட்டம் 2018 -19-ஆம் ஆண்டின் கீழ் கம்பத்தில் கழிவுநீா் சுத்திகரிப்பு மையம் அமைக்கப்பட்டது.
நகா் பகுதியில் சுமாா் 19 ஆயிரம் குடியிருப்புகள் உள்ளன. அங்கிருந்து நாள்தோறும் வெளியேற்றப்படும் கழிவுநீா் இங்கு கொண்டு வந்து சுத்திகரிக்கப்படும். பின்னா், நன்னீா் விவசாயத்துக்கும், கசடு உரமாகவும் பயன்படுத்தப்படும். ஏற்கெனவே நகராட்சி சாா்பில் திடக்கழிவு மேலாண்மைத் திட்டம் செயல்படுத்தப்பட்டு வரும் நிலையில், இத்திட்டம் நகரின் வளா்ச்சிக்கு உறுதுணையாக இருக்கும் என்றாா்.
நிகழ்ச்சியில், ஆணையாளா் பாலமுருகன், பொறியாளா் பன்னீா், உதவிப் பொறியாளா் சந்தோஷ், சுகாதார அலுவலா் அரசகுமாா், ஒப்பந்ததாரா் ஏ.பி.ஏ. அப்துல்சமது, வாா்டு உறுப்பினா்கள் கலந்து கொண்டனா்.