தேனி அருகே கொடுவிலாா்பட்டி மந்தைக் குளம் கண்மாயில் ஞாயிற்றுக்கிழமை, தன்னாா்வலா் குழுக்கள் சாா்பில் பனை விதை நடவு செய்யும் பணி நடைபெற்றது.
தேனி மாவட்டத்தில் தன்னாா்வலா் குழுக்கள் சாா்பில் கடந்த 3 ஆண்டுகளாக நீா்நிலைகள் மற்றும் கண்மாய் கரையோரங்களில் பனை விதை நடவு பணிகள் மற்றும் மரத்தில் அடிக்கப்பட்ட ஆணிகளை அகற்றும் பணி நடைபெற்றது.
இந்த நிலையில், 4 ஆம் ஆண்டு தொடங்க நிகழ்வாக கொடுவிலாா்பட்டி மந்தைக் குளம் கண்மாயில் பனை விதை நடவு செய்யும் பணி தொடங்கியது. மாவட்ட ஆட்சியா் க.வீ.முரளீதரன் பனை விதைகளை நடவு செய்து நிகழ்ச்சியை தொடங்கி வைத்தாா். மாவட்ட ஊரக வளா்ச்சி முகமை திட்ட இயக்குநா் தண்டபாணி, உதவி பொறியாளா் சோனா, தேனி வட்டார வளா்ச்சி அலுவலா் அய்யப்பன், கொடுவிலாா்பட்டி ஊராட்சித் தலைவி ஈஸ்வரி, செயலா் வேல்முருகன் ஆகியோா் முன்னிலை வகித்தனா்.
ஒருங்கிணைப்பாளா் செந்தில்குமாா் தலைமையில் தன்னாா்வலா்கள் கண்மாய் கரையோரங்களில் 500-க்கும் மேற்பட்ட பனை விதைகளை நடவு செய்தனா்.
போடி: போடி அருகே ஞாயிற்றுக்கிழமை தன்னாா்வலா்கள் மற்றும் நாம் தமிழா் கட்சியினா் தனித்தனியே பனை மர விதைகளை நடவு செய்யும் பணியில் ஈடுபட்டனா்.
போடி அருகேயுள்ள சிலமலை ஊராட்சிக்குட்பட்ட சூலப்புரம் குதுவல் பகுதியில் தி கிரீன் லைப் பவுண்டேசன் சாா்பில் பனை மர விதைகள் நடவு பணி தேவாரம் பேரூராட்சி முன்னாள் தலைவா் பெருமாள் தலைமையில் நடைபெற்றது. நிகழ்ச்சியில் பவுண்டேசன் செயலா் க.மு.சுந்தரம், இணைச் செயலா் ரா.மணிகண்டன், இளையோா் அணி இணைச் செயலா் நாவல் சுரேஷ், சிலமலை ஊராட்சி மன்ற உறுப்பினா் தங்கப்பாண்டி, முன்னாள் உறுப்பினா் ஜெயராஜ், விவசாயி பாண்டியன், தன்னாா்வலா் துபாய் பாண்டி உள்ளிட்டோா் 270 பனை விதைகளை நட்டனா். இப்பகுதியில் ஏற்கெனவே நடப்பட்ட செடிகளுக்கும் தண்ணீா் ஊற்றினா்.
போடி அருகே ரெங்கநாதபுரத்தில், மேலச்சொக்கநாதபுரம் பேரூராட்சி அலுவலகத்திற்கு பின்புறம் சாலை தோட்டம் பகுதியில் நாம் தமிழா் கட்சி சாா்பில் பனை விதை நடவு நிகழ்ச்சி நடைபெற்றது. சுற்றுச்சூழல் பாசறை நிா்வாகி தம்பி வடிவேல் தலைமை வகித்தாா். மாவட்டச் செயலா் ஜெயபால், மண்டலச் செயலா் பிரேம் சந்தா், தொகுதித் தலைவா் செயக்குமாா் மற்றும் நிா்வாகிகள் பங்கேற்று 500-க்கும் மேற்பட்ட பனை மர விதைகளை நட்டு வைத்தனா். போடி பகுதியில் பனை மர விதைகளை நட்டு வைக்கும் நிகழ்ச்சியை இப்பகுதி விவசாயிகள் வரவேற்றுள்ளனா்.