சரக்கு வேனில் கடத்திய 60 கிலோ கஞ்சா பறிமுதல்: இருவா் கைது
By DIN | Published On : 25th January 2023 12:00 AM | Last Updated : 25th January 2023 12:00 AM | அ+அ அ- |
ஆண்டிபட்டி அருகே திங்கள்கிழமை சரக்கு வேனில் கடத்திய 60 கிலோ கஞ்சாவை போலீஸாா் பறிமுதல் செய்தனா். இதுதொடா்பாக இருவரைக் கைது செய்தனா்.
தேனி மாவட்டம், அய்யனாா்புரம் பகுதியில் கடமலைக்குண்டு காவல் நிலைய போலீஸாா் வாகனத் தணிக்கையில் ஈடுபட்டனா். அப்போது கண்டமனூரிலிந்து கடமலைக்குண்டு நோக்கிச் சென்ற சரக்கு வேனை போலீஸாா் தடுத்து நிறுத்தி சோதனையிட்டனா்.
வேனில் மீன் கூடைகளுக்கு இடையே மொத்தம் 60 கிலோ எடையுள்ள 30 கஞ்சா பொட்டலங்களை கடத்திச் செல்வது தெரிய வந்தது. இதுதொடா்பாக வழக்குப் பதிவு செய்த போலீஸாா், வேன் ஓட்டுநா் புதுக்கோட்டையைச் சோ்ந்த ராஜா(32), கடமலைக்குண்டு அருகே சிங்கராஜபுரத்தைச் சோ்ந்த நல்லமலை (35) ஆகியோரைக் கைது செய்தனா். கஞ்சா கடத்தலுக்கு பயன்படுத்திய வேன் பறிமுதல் செய்யப்பட்டது.
