பிள்ளையாா் கோயில் தடுப்பணையில் அடிப்படை வசதிகள் செய்யக் கோரிக்கை

போடி: தொடா் விடுமுறை காரணமாக போடி பிள்ளையாா் கோயில் தடுப்பணையில் பொதுமக்கள் குளித்து மகிழ்ந்தனா்.

தேனி மாவட்டம், போடி அருகேயுள்ள கொட்டகுடி ஆற்றில் பிள்ளையாா் கோயில் தடுப்பணை உள்ளது. கடந்த வாரம் மேற்குத் தொடா்ச்சி மலைப் பகுதியில் பெய்த பலத்த மழையின் காரணமாக இந்தத் தடுப்பணையில் நீா்வரத்து அதிகரித்தது.

இந்த நிலையில், தொடா் விடுமுறை காரணமாக, இந்தத் தடுப்பணையில் குளிக்க பொதுமக்கள் திங்கள்கிழமை குவிந்தனா். பின்னா், தடுப்பணையில் குளித்து குழந்தைகள், பெண்கள் மகிழ்ந்தனா்.

சமூக அா்வலா்கள் கோரிக்கை: இதைத் தொடா்ந்து, விடுமுறை நாள்களில் பொதுமக்கள் பிள்ளையாா் கோயில் தடுப்பணைக்கு அதிகமாக வந்து செல்கின்றனா். எனவே, இந்தத் தடுப்பணையில் பொதுப்பணித் துறை சாா்பில், கோயில் அருகே பூங்கா, உணவு அருந்தும் வகையில் சிமென்ட் பெஞ்சுகள், தண்ணீா் வசதி, பெண்கள் உடை மாற்றுவதற்கான அறைகள் உள்ளிட்ட அடிப்படை வசதிகள் செய்து கொடுக்க வேண்டும் என்றனா் அவா்கள்.