ஆதிசுஞ்சனகிரி மகளிா் கல்லூரியில் தணிக்கைக் குழு மதிப்பீடு

உத்தமபாளையம்: தேனி மாவட்டம், கம்பம் ஆதிசுஞ்சனகிரி மகளிா் கல்லூரியில் புதன்கிழமை தணிக்கைக் குழு மதிப்பீடு செய்து அறிக்கை சமா்ப்பித்தது.

இந்த நிகழ்ச்சிக்கு கல்லூரி முதல்வா் ரேணுகா தலைமை வகித்தாா். கல்லூரி துணை முதல்வா் வாணி, கல்லூரி ஒருங்கிணைப்பாளா் வைஷ்ணவிவசந்தன் ஆகியோா் முன்னிலை வகித்தனா்.

இதில் சிவகாசி அய்யாநாடாா் ஜானகி அம்மாள் கல்லூரி வேதியியல் துறை இணைப் பேராசிரியா் சுகுமாறன், முதுநிலை தாவரவியல் துறைத் தலைவா் செந்தில்குமாா், கோவை பாரதியாா் பல்கலை. யூ.ஜி.சி., எம்.எம்.டி.டி.சி. உதவிப் பேராசிரியா் ரிச்சா்டு பால் ஆகியோா் கல்லூரியில் அனைத்துத் துறைகளைத் தணிக்கை செய்தும், பேராசிரியா்களுக்கு ஆலோசனைகளும் வழங்கினா்.

தொடா்ந்து, கல்லூரி அலுவலகம், நூலகம் ஆகியவற்றுக்கும் சென்று தணிக்கை மதிப்பீடு செய்து, இந்தக் குழுவினா் அறிக்கையை சமா்ப்பித்தனா்.