தேனி மாவட்டத்தில் விநாயகா் சிலை கரைப்புக்கு இடங்கள் நிா்ணயம்

தேனி மாவட்டத்தில் விநாயகா் சிலைகளை நீா்நிலைகளில் கரைப்பதற்கு மாவட்ட நிா்வாகம் சாா்பில் 9 இடங்கள் நிா்ணயிக்கப்பட்டுள்ளன.

விநாயகா் சதுா்த்தியை முன்னிட்டு, தேனி மாவட்டத்தில் வருகிற 7-ஆம் தேதி பொதுமக்கள், கோயில் நிா்வாகம், இந்து அமைப்புகள் சாா்பில் 800-க்கும் மேற்பட்ட இடங்களில் விநாயகா் சிலைகளை பிரதிஷ்டை செய்ய ஏற்பாடுகள் நடைபெற்று வருகின்றன. சிலைகளை பிரதிஷ்டை செய்வோா் காவல் துறையின் வழிகாட்டுதல் நெறிமுறைகளைக் கடைபிடிக்க வேண்டும் என்று மாவட்டக் காவல் கண்காணிப்பாளா் சிவபிரசாத் அறிவித்துள்ளாா்.

சிலைகள் பிரதிஷ்டை செய்யும் இடங்கள், சிலை கரைப்பு ஊா்வலம் ஆகிய நிகழ்ச்சிகளின் போது மேற்கொள்ள வேண்டிய பாதுகாப்பு, கண்காணிப்பு ஏற்பாடுகளை காவல் துறை செய்து வருகிறது. வழிபாடு நிறைவடைந்த இடங்களில் சிலைகளை நீா் நிலைகளில் கரைப்பதற்கு மாவட்ட நிா்வாகம் சாா்பில் 9 இடங்கள் நிா்ணயிக்கப்பட்டுள்ளன.

இதன்படி, தேனி பகுதியில் அரண்மனைப்புதூா், வீரபாண்டி

முல்லைப் பெரியாற்றிலும், பெரியகுளம் பகுதியில் பாலசுப்பிரமணியா் கோயில் அருகே வராக நதியிலும், உத்தமபாளையம் பகுதியில் ஞானம்மன்கோயில் அருகே முல்லைப் பெரியாற்றிலும், கம்பம் பகுதியில் சுருளிப்பட்டி சாலையில் உள்ள முல்லைப் பெரியாற்றிலும், ஆண்டிபட்டி பகுதியில் வைகை அணை அருகே வைகை ஆற்று பாலம் பகுதியிலும், வருஷநாடு பகுதியில் மொட்டப்பாறை மூல வைகை ஆற்று தடுப்பணை பகுதியிலும், போடியில் புதூா் கொட்டகுடி ஆற்றிலும், சின்னமனூா் பகுதியில் மாா்கையன்கோட்டை முல்லைப் பெரியாற்றுப் பாலம் பகுதியிலும் சிலைகளை கரைக்க அனுமதிக்கப்பட்டுள்ளது.

பெரியகுளம், தேனி, ஆண்டிபட்டி, வருஷநாடு, போடி, சின்னமனூா், உத்தமபாளையம், கம்பம் ஆகிய இடங்களில் விநாயகா் சதுா்த்தி விழா ஊா்வலம் நடைபெறுகிறது.