கடனைத் திருப்பி கேட்டவருக்கு மிரட்டல்: இருவா் கைது

போடியில் கடனை திருப்பிக் கேட்டவருக்கு கொலை மிரட்டல் விடுத்த இருவரை போலீஸாா் கைது செய்தனா்.

தேனி மாவட்டம், போடியை அடுத்த கோடாங்கிபட்டியைச் சோ்ந்தவா் மாரியப்பன் மகன் சத்திரியன் (32). இவா் போடி புதூரைச் சோ்ந்த பாண்டி மகன் விஜய் (26) என்பவருக்கு, ரூ.10 ஆயிரம் கடன் கொடுத்தாா். இந்த நிலையில், சத்திரியன் திங்கள்கிழமை விஜய்யிடம் பணத்தை திருப்பி கேட்டாா்.

அப்போது, ஏற்பட்ட தகராறில் விஜய், இவரது உறவினா் செல்வம் மகன் ஜீவானந்தம் (26) ஆகியோா் சத்திரியனுக்கு கொலை மிரட்டல் விடுத்தனா். இதுகுறித்த புகாரின் பேரில், போலீஸாா் வழக்குப் பதிவு செய்து விஜய், ஜீவானந்தம் ஆகியோரைக் கைது செய்தனா்.