பெண்ணைக் கொலை செய்த இளைஞருக்கு ஆயுள் சிறை

உத்தமபாளையம் அருகே சொத்துப் பிரச்னையில் பெண்ணைக் வெட்டிக் கொலை செய்த இளைஞருக்கு ஆயுள் சிறைத் தண்டனை விதித்து, தேனி மகளிா் நீதிமன்றம் வெள்ளிக்கிழமை தீா்ப்பளித்தது.

தேனி மாவட்டம், அனுமந்தன்பட்டியைச் சோ்ந்த அய்யாத்துரை மகன் நாகராஜ். இவரது மகள் வளா்கொடியை அதே ஊரைச் சோ்ந்த முனியாண்டி மகன் முத்தீஸ்வரனுக்கு (31) திருமணம் செய்து கொடுத்தாா்.

இந்த நிலையில், நாகராஜ், இவரது சகோதரிகளான இருளாயி, லட்சுமி ஆகியோருக்கு அதே ஊரில் பூா்வீக சொத்தாக புன்செய் நிலம் இருந்தது. இந்த நிலத்தை 3 பேரும் விற்பனை செய்தனா். இந்த நிலத்தில் தனது மனைவிக்கும் பங்குதர வேண்டும் எனக் கூறி, மூவரிடமும் முத்தீஸ்வரன் தகராறு செய்து வந்தாா்.

இந்த முன்விரோதத்தில், கடந்த 2019 ஏப்.19-ஆம் தேதி அனுமந்தன்பட்டியில் தனது வீட்டருகே அமா்ந்திருந்த லட்சுமியை முத்தீஸ்வரன் அரிவாளால் வெட்டிக் கொலை செய்தாா்.

இதுகுறித்து உத்தமபாளையம் போலீஸாா் வழக்குப் பதிவு செய்து முத்தீஸ்வரனை கைது செய்தனா்.

இந்த வழக்கு விசாரணை தேனி மகளிா் நீதிமன்றத்தில் நடந்து வந்தது. இந்த வழக்கில் முத்தீஸ்வரனை குற்றவாளி என தீா்மானித்து, அவருக்கு ஆயுள் சிறைத் தண்டனையும், ரூ.2,000 அபராதமும் விதித்து நீதிபதி ஜி.அனுராதா தீா்ப்பளித்தாா்.