முன்னாள் படைவீரர் குழந்தைகள் கல்வி உதவிதொகை பெற விண்ணப்பிக்கலாம்

விருதுநகர் மாவட்டத்தை சேர்ந்த முன்னாள் படைவீரர்களின் குழந்தைகள் கல்வி உதவி தொகை பெற விண்ணப்பிக்கலாம் என மாவட்ட முன்னாள் படைவீரர் நல அலுவலகம் வெளியிட்டுள்ள செய்திக் குறிப்பில் தெரிவிக்கப்பட்டுள்ளது.

  அதில் கூறியிருப்பதாவது: மத்திய பாதுகாப்பு அமைச்சகம் சார்பில் விருப்புரிமை கல்வி உதவி தொகைத் திட்டத்தில், முன்னாள் படைவீரர் குழந்தைகளுக்கு உதவிதொகை வழங்கப்படுகிறது. இரண்டாம் வகுப்பு முதல் இளநிலை பட்டப்படிப்பு வரை பயிலும் மாணவ, மாணவிகள் கல்வி உதவி தொகை பெற விண்ணப்பங்களை w‌w‌w.‌k‌sb.‌g‌o‌v.‌i‌n​  என்ற இணையதளத்தின் மூலம் நேரடியாக விண்ணப்பிக்கலாம்.

 மேலும் கூடுதல் விபரங்களுக்கு விருதுநகர் மாவட்ட முன்னாள் படைவீரர் நல அலுவலகத்தை தொடர்பு கொள்ளலாம். அதேபோல், 04563-260382 என்ற எண்ணிலும் தொடர்பு கொண்டு தகவல்களை தெரிந்து கொள்ளலாம் என அதில் தெரிவிக்கப்பட்டுள்ளது.