Enable Javscript for better performance
ஸ்ரீவில்லிபுத்தூரிலிருந்து வெம்பக்கோட்டைக்கு நேரடி பேருந்து இயக்க வேண்டும்: தமாகா கோரிக்கை- Dinamani

சுடச்சுட

    

    ஸ்ரீவில்லிபுத்தூரிலிருந்து வெம்பக்கோட்டைக்கு நேரடி பேருந்து இயக்க வேண்டும்: தமாகா கோரிக்கை 

    By DIN  |   Published on : 31st March 2018 02:41 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    விருதுநகர் மாவட்டம், ஸ்ரீவில்லிபுத்தூரிலிருந்து வெம்பக்கோட்டைக்கு நேரடியாக அரசுப் பேருந்து இயக்க வேண்டும் என தமிழ் மாநில காங்கிரஸ் கட்சி கோரிக்கை விடுத்துள்ளது.
    இது குறித்து அக்கட்சியின் விருதுநகர் தெற்கு மாவட்டச் செயலாளர் க.துள்ளுக்குட்டி, மாவட்ட ஆட்சியருக்கு வெள்ளிக்கிழமை அனுப்பியுள்ள கோரிக்கை மனுவில் கூறப்பட்டுள்ளதாவது:  
    ஸ்ரீவில்லிபுத்தூரிலிருந்து வெம்பக்கோட்டைக்கு 16 கி.மீ. இப்பகுதிக்கு நேரடி பேருந்து வசதி இல்லாததால், சிவகாசி சென்று, பின்னர் அங்கிருந்து வெம்பக்கோட்டைக்கு 36 கி.மீ. சுற்றி செல்ல வேண்டிய நிலை உள்ளது. இதனால் ஏழை மக்களின் பணம் மற்றும் நேரம் வீணாகிறது. தற்போது நேரடி பேருந்து வசதி இல்லாததால் ஆர்.ரெட்டியபட்டி, மேலகோடாங்கிபட்டி, கீழகோடாங்கிபட்டி, செவனாண்டிபுரம், பி.திருவேங்கிடபுரம், பழையாபுரம், புலிப்பாறைப்பட்டி, கிளியம்பட்டி, மாதாங்கோவில்பட்டி ஆகிய கிராம மக்கள், மாணவர்கள் அவதிப்படுகின்றனர்.
    எனவே, ஸ்ரீவில்லிபுத்தூரிலிருந்து வெம்பக்கோட்டைக்கு நேரடி பேருந்தை இயக்க மாவட்ட நிர்வாகம் நடவடிக்கை எடுக்க வேண்டும் என அதில் கூறப்பட்டுள்ளது.


     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai