விருதுநகா் மாவட்டம் சிவகாசியில் விற்பனைக்காக ஒரு கிலோ கஞ்சா வைத்திருந்த 2 பேரை போலீஸாா் ஞாயிற்றுக்கிழமை கைது செய்தனா்.
சிவகாசி ரயில்வே பீடா் சாலையில் அண்ணா காலனி பகுதியில் போலீஸாா் ரோந்துப்பணியில் ஈடுபட்டிருந்தனா். அப்போது அவ்வழியாகச் சென்ற 2 பேரை சந்தேகத்தின் பேரில் போலீஸாா் விசாரணை நடத்தினா். அவா்கள் வைத்திருந்த பைகளை சோதனையிட்ட போது 1 கிலோ 100 கிராம் கஞ்சா இருந்தது தெரியவந்தது.
அவா்களிடம் போலீஸாா் நடத்திய விசாரணையில் கோவில்பட்டியைச் சோ்ந்த மாரியப்பன் (43) மற்றும் சிவகாசி தட்டுமேட்டுத்தெருவைச் சோ்ந்த தா்மா் (67) என தெரியவந்தது. இதுகுறித்து சிவகாசி நகா் போலீஸாா் வழக்குப் பதிவு செய்து 2 பேரையும் கைது செய்தனா். அவா்களிடமிருந்து விற்பனைக்காக வைக்கப்பட்டிருந்த கஞ்சா மற்றும் ரூ. 770 ரொக்கம் ஆகியவற்றை பறிமுதல் செய்தனா்.