Enable Javscript for better performance
தமிழக அரசின் ஹலோகிராமை போலியாக அச்சடித்த 4 போ் கைது- Dinamani

சுடச்சுட

    

    விருதுநகா் மாவட்டம் சிவகாசியில் தமிழக அரசின் ஹலோகிராமை போலியாக அச்சடித்த நான்கு பேரை போலீஸாா் செவ்வாய்கிழமை கைது செய்தனா்.

    சிவகாசி கிழக்கு காவல் நிலைய சாா்பு ஆய்வாளா் செல்வக்குமாா் தலைமையிலான போலீஸாா் , சிவகாசி-நாரணாபுரம் சாலையில் ரோந்துப்பணியில் ஈடுபட்டிருந்தபோது, அப்பகுதியில் உள்ள தவமூனீஸ்வரா் கோவிலருகே இரண்டு போ் சந்தே கத்திற்கு இடமளிக்கும் வகையில் கையில் பையுடன் நின்று கொண்டிருந்தாா்களாம்.

    போலீஸாா் அந்த பையை வாங்கி சோதனையிட்ட போது, அதில் தமிழக அரசின் புவியியல் மற்றும் சுரங்கத்துறை என பொறிக்கப்பட்ட , தமிழ்நாடு மினரலஸ் என்ற ஹலோகிராம் ஸ்ட்டிக்கா் இருந்ததாம்.அவை போலியாக அச்சிடப்பட்டிருப்பது தெரியவந்தது.இருவரிடமும் தலா 3200 ஸ்டிக்கா் என மொத்தம் 6400 ஸ்ட்டிக்கா் இருந்ததாம்.மணல் அள்ளிச் செல்ல உரிமச்சான்று வழங்கும் போது, அந்த சான்றில் இந்த ஸ்ட்டிக்கரை ஓட்டுவது வழக்கும்.

    விசாரணையில் அவா்கள் முனீஸ்வரன்காலனி ஆண்டவா்(53)மற்றும் விருதுநகா் ராமச்சந்திரன் என்ற ராமா்(49) என தெரியவந்தது. மேலும் விசாரணையில் ஸ்டிக்கா் அச்சடித்தது சிவகாசி ஓடைத்த தெரு நாகராஜன் (45), அய்யனாா் காலனி ராஜா(34) என தெரியவந்தது.இதையடுத்து சிவகாசி கிழக்குப்போலீஸாா் வழக்குப்பதிவு செய்து நான்குபேரையும் கைது செய்து, அவா்களிடமிருந்த ஸ்டிக்கா்களை பறிமுதல் செய்தனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai