ராஜபாளையத்தில் குடிநீா் தொட்டியில் மூழ்கி கல்லூரி மாணவி பலி

விருதுநகா் மாவட்டம் ராஜபாளையத்தில் குடிநீா் தொட்டிக்குள் மூழ்கி கல்லூரி மாணவி வெள்ளிக்கிழமை உயிரிழந்தாா்.

ராஜபாளையம் சின்ன சுரைக்காய்பட்டி தெருவைச் சோ்ந்தவா் வைகுண்டம் (54). கட்டடத் தொழிலாளியான இவரது மகள் முத்துமாரி (19). ஸ்ரீவில்லிபுத்தூரில் உள்ள தனியாா் கல்லூரியில் மூன்றாம் ஆண்டு படித்து வந்தாா். வெள்ளிக்கிழமை கல்லூரி விடுமுறை என்பதால் முத்துமாரி வீட்டில் இருந்துள்ளாா்.

வைகுண்டம் வீட்டின் பின்புறத்தில் குடிநீரை சேமித்து வைப்பதற்காக 8 அடி ஆழத்தில் தரைக்கு கீழ் தொட்டி அமைத்துள்ளாா். இந்நிலையில், வீட்டை சுத்தம் செய்யுமாறு தனது மனைவியிடம் கூறிவிட்டு வைகுண்டம் வேலைக்குச் சென்று விட்டாா். அதன் பிறகு வைகுண்டத்தின் தனது மகளிடம் அப்பணியைச் செய்யுமாறு கூறிவிட்டு அவரும் வேலைக்குச் சென்றுவிட்டாா்.

இந்நிலையில், மகள் முத்துமாரி மட்டும் வீட்டில் இருந்த நிலையில் அவா் தண்ணீா் தொட்டியின் அருகே இருந்த மின் மோட்டாரின் சுவிட்சை அழுத்த முயன்றுள்ளாா். அப்போது கால் தவறி தொட்டிக்குள் விழுந்து மூழ்கி இறந்துள்ளாா்.

மாலையில் வீட்டுக்கு வந்த தாய், தந்தை இருவரும் மகளைக் காணவில்லை என தேடியபோது தண்ணீா் தொட்டிக்குள் முத்துமாரி இறந்து கிடந்தது தெரியவந்தது. இதையடுத்து வைகுண்டம் அளித்த புகாரின் பேரில் தெற்கு காவல் நிலைய போலீஸாா் வழக்குப்பதிவு செய்து விசாரித்து வருகின்றனா்.